Gogoratu eta eskatu

Aurrekoan elkarrizketa batean galdetu zidaten zer azpimarratuko nuen, jada bukatutzat eman dugun 2014az. Automatikoki, ondo akordatu gabe ere, zerrendatu nizkion aurtengo mugarri politikoak.  

Baina amaitzeaz bat ohartu nintzen ez niola hori erantzun nahi. Esan nahi niola aurten negar asko egin dudala. Beste edozein urtetan baino gehiago. Ez dela dena izan tristeziaz ez, izugarrizko hauspotzeak ere izan ditudala, eta bai, barre ere inoiz ez bezala egin dudala. Nahiko hippya izan naizela eta besozabal hartu dudala maitatzeko prest ezagutu dudan jende izugarri hori guztia. Sartu zaizkidala zainetaraino uste ez nituen ideiak eta aldarriak, eta beste batzuk, esperoan, kajoian utzi ditudala.

Erronka berriak izan ditudala eta gustura burutu ditudala. Jada nahikoa ez banintzen, are praktikoago bilakatu naizela emozionalki, eta agian gehitxo, baina landu ditudala mila korapilo.  

Baina sentibera positibista emozionalak izateko tarterik ez dugu kasik, beraz, hurrengo urteari krisiaren amaiera, aktibazio soziala, mugimendu feministaren goratzea eta epaiketa politikoen amaiera eskatuko diot; edonork ezer esan aurretik.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Eguneraketa berriak daude