Emakumeak borrokan

Justizia injustua bankuekin


Juan Mari Arregi
2014ko irailaren 07a

Egunkarietako lehen orrialdeetan irakurri ahal izan dugunez AEBetako Justizia Departamenduak 12.000 milioi euroko (16.650 milioi dolar) isuna jarri dio Bank of Americari, herrialde hartako aktibo gehien dituen bigarren bankuari. Subprime hipoteka famatuen krisia leherrarazi zuten bonoen kudeaketan iruzur egin zuen entitate horrek. Herrialde horretan finantza erakunde bati inoiz ezarri zaion isun handiena da, inork ez baitzuen hainbeste egin Mendebaldeko ekonomiaren krisirik handiena –1929ko hondamendiaz geroztik, behinik behin– ekarri zuen engainua puzteko. “Erabaki historiko hau egokia da, ikusirik delituaren tamaina eta eragindako kaltea”, azaldu zuen AEBetako fiskal nagusiak.

Eta hala ere, delitu hori onartuta ere, AEBetako justiziak ez du banku horretako exekutiborik zigortu. Beraz, fiskal nagusiak esan arren isuna egokia izan dela, ez da hala. Zer justizia da hori? Iruzurra bat-batean sortu zen bere kabuz? Pertsonek, zuzendariek, exekutiboek eta kontseilariek sortu zuten, edo behintzat beste alde batera begiratu zuten hartaz jabetzean. Iruzurrak arduradun batzuk ditu, izen eta abizenekin, administrazio kontseilutik hasita. Zein dira Mendebaldeko krisi handienetakoa sortu zuen gezur milioidun horren arduradunak? Zergatik AEBetako justiziak ez du prozesua muturreraino eramaten, arduradunak zuzenean zigortuz? Hori ez da justizia, injustizia itzela baizik.

Egia da Espainiako Estatuan justiziak ez dizkiela halako isunak jarri lehentasunezko partaidetzak eta beste produktu opakoak saldu zituztenei. Nahiko genuke AEBek egin bezala egitea. Baina ez hori bakarrik. Arduradunak judizialki zigortu eta kartzelara eraman behar dira. Horrela baino ez litzateke herritar orok ulertzen duen gisako justizia izango.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Finantza erakundeak  |  Ustelkeria

Finantza erakundeak kanaletik interesatuko zaizu...
Nafarroako Kutxaren auzia behin betiko artxibatu du Espainiako Auzitegi Nazionalak

Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.


2019-04-10 | ARGIA
Euskaltel funts britainiar baten esku: zabalkunde planak eta lanpostuak suntsitzeko arriskua

Zegona funts britainiarra bihurtu da Euskaltelen akziodun nagusia. Telekomunikazio enpresaren %20,94 dago bere esku eta Kutxabankek baino pisu handiagoa hartu du –%19,8ko parte hartzea dauka banku fundazioak Euskaltelen–.


CANeko ikerketa batzordearen ondorioak Fiskaltzara igorri ditu parlamentuak

Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.


Banku etikoak hiru bider errentagarriagoak dira ohiko bankuak baino Lehman Brothers erori zenetik

Europako parlamentuan aurkeztu duten txosten batek erakusten ditu finantza etikoen azken hamar urteetako hazkunde datuak.


2019-03-17 | Juan Mari Arregi
Bankari baten biolentzia

Bankuetako presidenteek, hala nola patronal handietakoek, euren enplegatuen aldarrikapen-mugimendu orori indarkeria erabiltzea egotzi izan diote (grebak, pankartak, “obrero kaleratua, nagusi urkatua” eta antzeko simulazioak…), baita gizarteko beste sektore anitzi ere, askotan “estortsio terroristaren” pare jarriaz, ETAren zerga iraultzailearen antzera. Bada, gaur bankarien biolentziaz hitz egingo dugu, zehazki BBVAko presidenteak erabilitakoaz.


2019-03-15 | ARGIA
BBVA bankuaren irabaziak "odolez zikindurik" daudela salatu dute aurten ere Bilbon

Aurten ere egin dute. Euskalduna Jauregian BBVAren Akziodunen Batzarra egiten ari ziren bitartean, hainbat ekintzailek beren burutik behera pintura gorria bota dute 500 euroko bileteak eskuan zituzten bitartean. "Bankuak irabaziak lortzeko garatzen dituen zenbait jarduera salatzea eta euskal erakundeen eskutik jasotzen duen mesede-tratua salatzea izan da ekintza honen helburua", adierazi dutenez.


Nafarroako Kutxaren desagertzea Go˝iren eta UPNren kudeaketaren ondorioz izan da

Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.


Banku etikoek hiru aldiz gehiago ematen dute banku tradizionalek baino

Europa osoan egindako azterketa baten arabera, azken hamar urteetan banku etikoek tradizionalen errendimendua hirukoiztu dute berezko baliabideak erabiliz. “Banku tradizionalek 100 metroko lasterketa irabazi dute, baina etikoek maratoia irabazten segitzen dute”, diote egileek.


2019-01-23 | ARGIA
Miguel Sanzen jarrera CANen ikerketa batzordean: dena ukatu eta abertzaleak seinalatu

Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.


2018-11-16 | Arabako Alea
Eskudirutan sarrerak egiteagatik kobratzen duen komisioa kendu beharko du Kutxabankek

Lau euro ordaindu behar dituzte bezeroek eskudirutan, hirugarren baten kontu korrontean dirua sartzeagatik.


ASTEKARIA
Azkenak
EGILEA
Eguneraketa berriak daude