ARGIA.eus

2020ko maiatzaren 29a

Igeldoko harria

Amets Arzallus
2014ko urtarrilaren 19a
Harri jasotzaileek euskarari bihurritu eder bat ematen diote, eta boterea hankaz gora jarri, menperatzeko ez baitute zapaldu behar izaten, alderantziz baizik, bizkarrera jaso. Menpean hartzeko ohoratu egin behar dute, nolabait, harria. Hala dago Igeldo aspaldian, Donostiaren sorbalda gainera altxatua, goratua bezain menpean hartua. Ezin boterea hankaz gora jarri. Atrakzio parkea eta aldentzeko irrika, biak eltze berean. 
 
Igeldok badu harri bat malapartatua, traketsa, heldu leku onik gabea, oboide eiteko irregularra, harri jasotzaile denei komeriak eragiten dizkiena: Igeldo Harria. Aurten urteroko egun seinalatuaz beste batean jaitsi dute Trinitate Plazara, eta han dabiltza donostiarrak eta gipuzkoarrak oro, begiak bihurrituta, eskuak uzkian, harri malapartatua, nondik heldu behar ote zaion ezin antzemanda.
 
Izena bera ere ez dakit nork jarria ote duen Igeldok, nondik ote datorkion igel erro hori, aspaldian gehiago baitirudi apoen auzoa. Eta ez da harrigarria herri irrika izatea, nahiago izatea putzu ertzean apo, gero eta gogaikarriagoa baita igel ergelen karranka.
Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Erabakitzeko eskubidea

Iritzia kanaletik interesatuko zaizu...

ASTEKARIA
2014ko urtarrilaren 19a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude