ARGIA.eus

2022ko maiatzaren 25a

“Lurraldea eta Hizkuntza” jardunaldiak 16an eta 17an

2014ko urtarrilaren 12a

Lurralde antolaketak, hazkunde urbanistikoak esate batera, hiztun komunitateetan eragiten du, hizkuntza aldaketak sorraraz ditzake. Lurraldea & Hizkuntza jardunaldietan kontzeptu hori bereziki arnasguneetan nola garatzen den landuko dute.

Gipuzkoako Foru Aldundiak, UEMAk eta Kontseiluak antolatu dituzte Donostian urtarrilaren 16an eta 17an egingo diren jardunaldiak. UEU izango dute bidelagun bi egun horietan. Aipatu lehen hiru erakundeek ELE / Arnasguneak hedatuz proiektua abian jarria dute eta berau gizarteratzeko antolatu dituzte jardunaldiak.

Bi eguneko saioek hiru helburu dituzte: batetik, geografia eta hizkuntzaren arteko harreman estuaz hausnartzea; bigarrenik, lurralde antolaketak eta hirigintzak euskararen hiztun komunitatearengan duen eragin zuzenaz ohartaraztea; hirugarrenik, eragin hori kontuan har dadin hartu beharreko neurriez hausnartzea, kalteak murrizteko eta onurak indartzeko.

Euskal Herriaz kanpoko arnasguneetako (hizkuntza gutxiagotua nagusi den gune geografiko edo soziofuntzionalak dira) esperientziak entzun ahal izango dira Donostian, baita herri euskaldunen bizipenak eta beharrak mahai gainean jarri ere.

ELE /Arnasguneak hedatuz sortu aurretik Kontseiluko hainbat bazkide ari ziren alor hori jorratzen. Bertsozale Elkartea, Emun, Euskal Herrian Euskaraz, Topagunea eta UEMAk lan-taldea osatua zuten. Haiek, egindako gogoetatik ondorioztatu zuten arnasguneek duten garrantziaz jabetu behar dutela eragileek eta gizarteak. Arnasguneen garrantziaz gain, euskararentzat gune berriak irabazteko jendartea aktibatzea proposatu du lan-taldeak.

Kanal hauetan artxibatua: Euskara  |  Polonia  |  Kontseilua

Euskara kanaletik interesatuko zaizu...
Jakintza esparru ugaritako bideo pedagogikoak, euskaraz eta libreak

Filosofia, ekonomia, historia, matematika eta beste hainbat arlori lotutako bideo pedagogikoak zabalduko ditu Ikusgela proiektuak, euskaraz eta modu askean partekatzeko. Jakintza “narratiba berrietara” egokitzea helburu, Euskal Wikilarien Kultura Elkarteak... [+]


2022-05-24 | ARGIA
Paskual Rekalde, euskaltzain osoa:
"Baztango euskara 'nafartzen' ari da eta gero eta euskara batuagoa egiten dute haurrek"

Paskual Rekalde euskaltzain osoak sarrera-hitzaldia egin du maiatzaren 23an bere sorterrian, Amaiurren. Hizkuntzalari hau 2020ko uztailaren 17an izendatu zuen euskaltzain oso Euskaltzaindiak, baina pandemia dela-eta urtebete atzeratu dute sarrera-hitzaldia. Bere hitzaldian,... [+]


2022-05-24 | ARGIA
Hurrengo astean erabakiko du Administrazio Auzitegiak baxoaren ahozko azterketa euskaraz egiterik izango den

Seaskak salaketa jarria du Frantziako Hezkuntza Ministerioaren kontra eta berau aztertu dute maiatzaren 23an Pauen, presazko auzian. Datorren astean ebatziko du Administrazio Auzitegiak.


2022-05-23 | ARGIA
'Txillardegi plaza' zioen plaka kendu dute Donostiako Gaskonian

2019ko urtarrilaren 13an, Jose Luis Alvarez Txillardegi-ren heriotzaren 7. urteurrenean, jarri zuen Txillardegi Udal Liburutegia plataformak Txillardegi Plaza zioen plaka Antiguako Gaskonia Plazan. Igandean, baina, kendu egin dute, Joseba Alvarezek salatu duenez.


Gazte Euskaltzaleen Sarea
"Euskarak ez du aurrera eginen, eraman egin behar da"

Gazte belaunaldi berria batu da euskararen aldeko borrokara, eta manifestazio koloretsua egin dute larunbatean Donostian, Euskara Aurrera lelopean. Mobilizazioa bera antolatzea izan da Gazte Euskaltzaleen Sarea (GES) eragile sortu berriaren lehen erronka, eta urduritasuna nabari... [+]


Irakurrienak
ASTEKARIA
2014ko urtarrilaren 12a
Azken albisteak
Argia buletina
Egunaren laburpena
zure e-postan
Eguneraketa berriak daude