Jauzi bat egitea helburu, itun soziopolitiko berria proposatu du Kontseiluak
Euskara biziberrituko bada, hizkuntza politiketan jauzi bat ematea ezinbestekotzat du Euskalgintzaren Kontseiluak. Jauzi hori emateko proposamen bat aurkeztu du, eta itun soziopolitiko berri baterako deia egin du, irailaren 26an, Batuz Aldatuko Sinatzaileen II. Batzarrean. 2021ean, etorkizunari begirako ardatzak eragile sozialekin adostu zituzten Batuz Aldatu prozesuaren bidez. Azken urtean, prozesu horretan lortutako adostasun soziala akordio politiko bilakatzeko lanean aritu da Kontseilua. Proposamena 113 eragilek sinatu dute.
Irailaren 26an, Miramon Parke Teknologikoan, Donostian, bildu dira prozesuan parte hartu eta sinatzaile izan diren hamarnaka eragile. Haien aurrean, besteak beste, Idurre Eskisabel Kontseiluaren idazkari nagusiak hartu du hitza. Adierazi du adostasun sozialaren bidez euskararen biziberritzean jauzi bat eman daitekeela eta gizarteak hori eskatzen duela. 113 eragilek sinatu dute agiria. "Oinarri zabaltzat" du Eskisabelek lortutako atxikimendua, baina sinatzaileei eskatu die oinarria zabaltzen laguntzeko, "zabaltzeko beharra" dagoelako. Itun berri baterako eskaintza hori "amesten dugun pizkunde horretara" heltzeko bide bat dela azpimarratu du, eta lortutako akordioaren garrantzia nabarmendu du: "Posible da pizkundea, horretarako adostasun soziala badago".
Batuz Aldatu dinamika 2021ean abiatu zen. Kontseiluak, orduko hartan, adierazi zuen hizkuntza politiketan jauzi bat egiteko beharra zegoela. 2025ean, euskararen biziberritzean paradigma berri baten beharra are eta nabarmenago hautematen du. Oldarraldi judiziala aipatu du, eta gogorarazi du 2024an euskaldunen komunitatea larrialdi linguistikoan dagoela adieraztera behartuta ikusi zuela bere burua. Berriki UEMAk aurkeztutako 2036rako proiekzio demolinguistikoaren emaitza kezkagarriak ere aipatu ditu erakundeak.
2021ean, 110etik gora elkartek, fundaziok, eragilek, enpresak eta sindikatuk Batuz Aldatu: Hizkuntza-politiketan eragiteko adostasun soziala aurkeztu zuten eta euskararen biziberritzean pausoak emateko akordio soziopolitiko berri baten alde lanean hasi ziren. Lan horretan, Kontseilua eta beste hamar eragilek osatutako talde eragilea aritu da lanean eta prozesuaren emaitza Batuz Aldatuko Sinatzaileen II. Batzarrean aurkeztu dute: Itun Soziopolitiko berrirako eskaintza. Talde Eragileko ordezkariak hauek izan dira: Athletic Club Fundazioa, Agirre Lehendakaria Center, Mondragon Korporazioa, Eusko Ikaskuntza, Euskal Kontsumitzaileen Alkartea, Taupa Mugimendua (Euskaltzaleen Topagunea), Bizipoza Bilgunea, AEK, Gazte Euskaltzaleen Sarea, Gipuzkoako Erizainen Elkargoa, Nafar Ateneoa eta Euskalgintzaren Kontseilua.
Urtebetez itun soziopolitiko berrirako edukiak zehazten aritu dira, 2021ean Batuz Aldatu dinamikak lortutako adostasun sozialean zehaztutako bi oinarriak ardatz hartuta. Bi oinarri edo norabide nagusiak hauek dira: batetik, euskararen ezagutzaren unibertsalizazioa bultzatzea, herritar guztiek euskaraz aritzeko gaitasun egokia izan dezaten, eta bestetik, euskara eroso erabiltzeko eremuak sortu, garatu eta elkarlotzea, “hala nahi duen edonork ez dezan izan euskara erabiltzeko inolako eragozpenik”. Irailaren 26an aurkeztutako proposamen-agirian, bi norabide horiek garatzeko arloak banaka-banaka zehazten dira hala nola, hezkuntza, helduen euskalduntzea, kulturaren transmisioa, arlo sozioekonomikoa, administrazioa, astialdia eta eremu digitala.
Kontseiluak proposamena euskal gizarte “zabal eta konplexuari”, alegia, gizarte eragile eta herritar orori zuzendu die. Dena den, azpimarratu du norbanakoek bezala, erakunde bakoitzak bere erantzukizunak dituela. Arduraren eta eragiletasunaren lehen lerroan jarri ditu eragile instituzionalak eta politikoak, eta hurrenez hurren, eragile ekonomikoak, eragile sozialak, kultur eta akademia eremukoak. Azkenik, herritarren “multzo zabal eta askotarikoa” aipatu dute. Arduraren lehen geruzan ezarri dituzten eragile instituzional eta politikoei lehentasunezko politika publikoak abiatzea eskatu diete, horretarako araugintza, inbertsioak eta baliabideak ezarriz. Ausardiaz eta anbizioz jokatzea eskatu diete.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Bilbon eginiko aurkezpenean iragarri dute ekitaldia, euskarari "arnas berri bat emateko eta behar duen indarraldia gorpuzten hasteko" lehen urratsa izango dela nabarmenduta. Euskaltzale guztiei, baina, oro har, "justizia sozialean eta gizarte kohesioan aurre... [+]
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Euskalgintzaren Kontseiluak Larrialditik indarraldira adierazpena plazaratu du Euskararen Egunaren atarian. 2025a euskararen normalizazio eta biziberritze prozesua “noranzko egokian jartzeko urtea” izango dela adierazi du. Bide horretan, lehen eginkizuntzat jo dute... [+]
Euskara eta euskal hiztunen komunitatea larrialdi linguistikoan dagoela adierazi du Kontseiluak. Ohartarazi du “indarrean diren joera soziolinguistikoak eta egiturazko arazoak itzulikatzeko neurri egokiak epe laburrean hartu ezean”, atzeraldia datorrela. Kontseiluak... [+]
Bilboko kaleak bete zituen mobilizaziotik urtebetera, auzitegiek euskararen normalizazioa eta hizkuntza eskubideak gutxiesten jarraitu dutela salatu du Euskalgintzaren Kontseiluak. Auzia gainditzeko euskararen "normalizazioa eta biziberritzea" ezinbestekoak direla... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Euskalgintzaren Kontseiluak antolatutako "Ongi etorri Euskararen Mundura" jardunaldiak izan dira Gasteizen ostegunean eta ostiralean. Egun bi bete-beteak, eta mahai gainean Euskararen normalizazio prozesuan euskal herritar berriak integratzeari buruzko praktikak... [+]
UGT sindikatuak B2 maila ezartzearen aurka egin zuen. EAEko Justizia Auzitegi Nagusiak Euskotreneko hautaprobetarako ezarritako euskara eskakizunak ontzat hartu ditu. Kontseiluak esan du, hizkuntza eskubideen defentsan “urrats garrantzitsua” eta “berri... [+]
Urriaren 10 eta 11n Gasteizko Europa Jauregian egingo dira Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak lankidetzan urtero antolatzen dituzten jardunaldiak.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Jaurlaritzak EAEko administrazio publikoa euskalduntzeko iragarri duen dekretua baloratu du Euskalgintzaren Kontseiluak. Aurrerapauso batzuk onartzen badizkio ere, gabeziak eta eta dekretuak hasierako bertsiotik azkenera bidean izan dituen aldaketa negatiboak azpimarratu ditu... [+]
Euskalgintzaren Kontseiluak 2023. urteko irakurketa egin eta ondorioak aurkeztu ditu ostiralean. Bertan, lurralde bakoitzean arloz arloko hizkuntza-politiketako aurrerapausoak, oztopoak eta atzerapausoak azaldu dituzte, eta 2023ak euskararen normalizazioan eta... [+]
Eusko Legebiltzarrak abenduaren 21ean bozkatuko duen EAEko Hezkuntza Legearen balorazioa egin du Euskalgintzaren Kontseiluak. Legea “etorkizuneko belaunaldiei euskaraz jabetzeko eskubidea bermatzetik urrun” geratuko dela kritikatu du. Gehitu du ez dela izango... [+]
