Urtean 8.000 milioi euro aurreztu zitezkeen

  • Espainiako Estatuan gastu militarra murriztea bide egokia izan daiteke krisia arintzeko eta, beraz, baita defizit publikoa murrizteko ere. Neurri horrek, gainera, gaur egungo krisitik ateratzen hasteko bultzada emango lioke Espainiako Estatuari, Kataluniako Delás Bakerako Ikasketen Zentroak landutako txostenaren arabera.

Espainiaren gerrarako makina askok Madrilgo asfaltoa baino ez dute ukitzen, egiten direnerako zaharkituta baitaude.
Espainiaren gerrarako makina askok Madrilgo asfaltoa baino ez dute ukitzen, egiten direnerako zaharkituta baitaude.

“Gastu militarrak murrizteko zenbait neurri: indar armatuetako kideak gutxitzea, Armen Programa Berezi handien kontratuak bertan behera uztea, I+G militarra alde batera uztea, eta Espainiak atzerrian dituen indar armatuak murriztea.

Horien bidez, urtean 7.000 eta 8.000 milioi euro artean aurrez daitezke; ez da kopuru makala, ogasun publikoaren zorpetzea eta defizit publikoa arintzeko. Gastu militarra murriztea urrats garrantzitsua litzateke Espainiako ekonomia egungo krisitik ateratzen has dadin”. Horra hor, argi eta aratz, Pere Ortegak, Delás Bakerako Ikasketen Zentroko (Justicia I Pau) kideak berriki egindako txostenaren mamia. Gastu militarra Espainian, 2012. Krisia murrizteko aukera du izenburu Ortegaren lanak.

Espainiako Gobernuak entzungor egiten du

Espainiako Gobernuak, ordea, entzungor egiten die arrazoibide horiei. Hala, txosten hau argitara eman eta ia aldi berean, irailaren 19an, Espainiako Kongresuak lege-dekretu bati bide eman zion Defentsa Ministerioari ia 1.800 milioi euroko ezohiko kreditua emateko, zertarako eta armen industrian “kitoan jartzeko”. PPk eta UPNko diputatu nafarrak bozkatu zuten erabaki horren alde. Funts horien %65 Eurofighter programan ordaintzeko dauden fakturetara bideratuko da. Espainiak, Italiak, Alemaniak eta Erresuma Batuak hartzen dute parte programan. Beste 242 milioi General Dynamics Santa Barbara etxeko Leopard borrokarako gurdiak erosteko bideratuko ditu Espainiako Gobernuak, 187 milioi Navania etxeko itsas armadako ontzietarako eta beste 76 milioi Eurocopter fabrikako Tigre helikopteroetarako. Gainera, Espainiako Gobernuak 31.000 milioi euro ordaindu behar ditu 2025. urtera arte, programa horien kontratuengatik.

Ez baita ahuntzaren gauerdiko eztula, ekar dezagun gogora Defentsako aurreko estatu-idazkariak, Constantino Mendezek, kargua uzterakoan esan zuena: “Ez genituzkeen hartu behar erabiliko ez ditugun sistemak, gaur egun ez dauden borroka egoerei aurre egiteko eta ez orduan eta ez orain ez daukagun diruarekin”. Alegia, arma horiek ez dutela ezertarako balio onartzen zuen Mendezek; izan ere, Eurofigther hegazkinak, Tigre helikopteroak, Leopard eta Pizarro blindatuak eta gerraontzi gehien-gehienak ez dira joan Espainiako indar armatuek esku hartu duten lekuetara, besteak beste Afganistan, Libano edo Libiara.

Nola murriztu defizita eta zorpetzea

Nabarmena da: defizita eta zor publikoa murriztu ahala kontu publikoei arnasa eman nahi bazaie, gastu militarra murriztea da horretarako irtenbideetako bat. Alde horretatik, aipatutako txostenak galdera zuzena egiten du: beharrezkoa ote da 130.000 kideko indar armatuei eustea? Europako zenbait herrialdetan, hala nola Alemanian eta Italian, badira egitasmoak indar armatuak murrizteko. Zergatik ez dio Espainiak bide horri jarraitzen? “Zertarako behar du Espainiak 130.000 soldaduko armada? Erdiarekin edo heren batekin ez ote luke nahikoa?”. Txostenak ez du langabe gehiago sortu nahi; aitzitik, beste azterlan bat gehitzen du zenbait doikuntza egiteko eta, hala, agintari militar ugari erreserbara igarotzeko eta soldaduak eginkizun publikoetan birkokatzeko.

Txostenak nabarmentzen duen beste alderdietako bat da armen kontratu handiak (PEAS) bertan behera utzi beharko liratekeela; izan ere, kontratu horiek (Eurofighter, A400M, Tigre helikopteroak, Leopard eta Pizarro blindatuak, urpeko ontziak, fragatak, gerra-ontziak, eta abar.) 2025. urtera arte luzatzen dira. Neurri horrek sortuko lituzkeen eragozpenak eta industria militarrean eragindako kalteak leuntze aldera, azterlan handi bat egin beharko litzateke industria militarra eraldatzeko eta ondasun zibilen ekoizpen arlora bideratzeko. Gainera, PEAS delakoak bertan behera uzteko neurria abiaraziko balitz, alde batera geratuko lirateke I+G militarrera bideratutako laguntzak ere, eta beste mila milioi euro aurreztu ahal izango lirateke urtero, dirutza hori ematen baitzaie enpresa militarrei beren armak garatzeko.
    Azkenik, gastu militarra murrizteko beste aukeretako bat da Espainiako tropak atzerritik erretiratzea. Neurri horren bidez 860 milioi euro aurrezteko modua egingo luke Gobernuak, kopuru hori kostatzen baita urtean tropak hara edo hona bidaltzea.


Kanal honetatik interesatuko zaizu: Nazioartea
Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Nabigazioaren historiaren argazkia

2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Fra Mauroren mundu zehatzagoa

Venezia, 1459ko apirilaren 24a. Fra Mauro monje eta kartografoak bere munduko mapa amaitu zuen San Michele de Murano monasterioan zeukan kartografia tailerrean. Portugalgo errege Alfontso V.aren enkarguz egin zuen lan hura, eta, mapa amaitu bezain pronto, Portugalera bidali... [+]


Nola obedituko diot eroari

1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.


Eguneraketa berriak daude