Euren lur sakratua erostea lortu dute dakotarrek

  • 1876an lapurtu zietenetik esku pribatuetan egon da Pe’ Sla izeneko gune sakratua. Jabeak salgai jarri du 800 hektareako eremua, eta hirigintza operazioetatik salbatzeko  erosi egin dute dakotarrek. Arbasoen lurra berreskuratu dute euren poltsikotik.

Dakotarrek beti aldarrikatu izan dituzte Black Hills-eko lurrak.
Dakotarrek beti aldarrikatu izan dituzte Black Hills-eko lurrak.

Dakota amerindiar herria diru-bilketa kanpaina sutsuan sartuta ibili da azken asteetan noizbait berena izandako lurra erosi ahal izateko. Dakota edo Lakota herria, Sioux gisa izendatu zuten bertara heldutako europarrek. 1876an kendu zieten lurra eta ordutik, esku pribatuetan egon da, berentzat sakratua den Pe’ Sla erromesaldi gunean ibiltzen utzi izan dieten arren. Hala ere, jabeak salgai jarri zuen lur eremua eta etxeak eta errepideak egingo zituzten beldur ziren dakotarrak. Azken aukera gisa, lurra beraiek erosteko kanpaina abiatu zuten, eta azkenean, dolar nahikoa lortuta, jabearekin akordioa lortu dute.

Irailaren 1ean, Hego Dakotan (AEB) Pe’ Sla guneak Sioux herriarentzat behar duela defendatzeko mugimenduko kideek prentsari jakinarazi zioten tribu hauek 800 hektareako gunea erosi egingo dutela azkenean.

Hainbat asteren ostean, Dakota herria osatzen duten bederatzi tribuek nahiko dirua lortu dute Pe’ Sla-ren egungo jabeari lurra erosteko. Ez dute adierazi erosketaren xehetasunik, ez noiz egingo den esku aldaketa, ezta zenbatean adostu duten prezioa ere.

Prentsaurrekoa “Black Hills ez dago salgai” irakur zitekeen margo handi baten aurrean eman zuten, 1851n AEBek onartu eta bete ez duten lege bati erreferentzia eginez. Lege horrek Black Hills-en (Mendi Magal Beltzak) jabea Dakota herria zela zioen, baina 1877an alde bakarreko erabakiaren bidez bota zuen atzera AEBetako Kongresuak. 1979. urteaz geroztik, AEBetako gobernuak 105 milioi dolar eskaini izan dizkie tribuei konpentsazio gisa, baina Dakotarrek uko egin izan diote beti, aldarrikatuz, lur hori beraiena dela. 

Last Real Indians elkarteak bideratu du Pe’ Sla salbatzeko diru bilketa, guztira 300.000 dolar lortuz. Kopuru horri, Rosebud Dakota tribuak jarri dituen 1,3 milioi dolar gehitu behar zaizkio, eremua erosteko nahikoak. Prentsaurrekoan, tribu guztien arteko batasuna aldarrikatu zuten.


Kanal honetatik interesatuko zaizu: Dakota herria
Generoa eta sexualitatea dekolonizatu, Lakota herria altxatu

AEBetako Hego Dakotako Pine Ridge erreserbako Lakota Sioux Tribe tribu-gobernuak bi lege historiko onartu zituen 2019ko legealdian. Sexu berekoen arteko ezkontza eta LGTBIQ pertsonen aurkako erasoak gorroto delituen barruan sartzea. Lorpen hauen atzean dauden ekintzaileak... [+]


Aitor Esteban
"Euskara hizkuntza gutxitua da, eta lakota askoz gutxituagoa"

Lakota hizkuntzaz hitzaldia egitekoa zen Aitor Esteban (Bilbo, 1962) iragan martxoan Gasteizen, Hitz Adina Mintzo ikastaroaren barnean. COVID 19-ak eragindako konfinamenduak bertan behera utzarazi zituen martxoaz geroko saioak eta, hainbestean, postaz jakinarazi dizkigu lakota... [+]


110 urteko espetxe eskaera AEBetan oliobide baten aurka sabotaiak aitortu zituzten bi ekintzaileentzat

Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]


2017-08-24 | Xalba Ramirez
Trumpen abokatuek Greenpeace salatu dute Dakotako oliobidea dela eta

Dakota Acces Pipeline oliobidea eraikitzen ari den enpresak Greenpeace eta beste talde ekologista batzuk salatu ditu 300 milioi dolar eskatuz. Trumpen abokatuak arduratu dira salaketa jartzeaz.


Sabotaje ekintzak onartu dituzte bi ekintzailek Dakota Access oliobidearen aurka

Prentsaurreko bidez onartu dute bi ekintzailek AEBetako Iowa estatuan Dakota Access Pipeline oliobidea eraikitzeko makinen eta hodien aurkako hainbat sabotaje ekintza egin izana. Makinei su eman dietela eta hodiaren balbulak apurtu dituztela aldarrikatu dute, Democracy... [+]


Eguneraketa berriak daude