Sabotaje ekintzak onartu dituzte bi ekintzailek Dakota Access oliobidearen aurka
Prentsaurreko bidez onartu dute bi ekintzailek AEBetako Iowa estatuan Dakota Access Pipeline oliobidea eraikitzeko makinen eta hodien aurkako hainbat sabotaje ekintza egin izana. Makinei su eman dietela eta hodiaren balbulak apurtu dituztela aldarrikatu dute, Democracy Now hedabidean irakur daitekeenez. Atxilotu egin dituzte.
Jessica Reznicek eta Ruby Montoya ekintzaile katolikoek adierazi dute “jende gehiago horrelako sabotajeak egitera animatzeko” hitz egin dutela publikoki. “Norbaitek pentsa dezake gure ekintzak bortizkeriaz egin direla, baina ez nahastu; bihotzetik ateratakoak dira ekintzok, bizitzarik eta ondasun pertsonalik arriskuan jarri gabe. Gure lur eta urak kutsatu dituen korporazio pribatu baten kontra egin dugu”, esan du Ruby Montoyak.
Iowako Zerbitzu Publikoetako Batzarraren aurrean eman dute prentsaurrekoa. Ingurumenaren aldeko taldeek estatu baimena atzera botatzeko eskatu dute, baina eskabideak ez du aurrera egin. Batzarraren eskumena delako eman dute atarian prentsaurrekoa. Adierazpenak amaituta, atzean duten karteleko letrak kentzen hasi dira eta atxilotu egin dituzte biak.
Bideoa:
Batez ere Ipar Dakotako Standing Rock siuxen erreserban izandako protestengatik egin da ezagun Dakota Access Pipeline odiaren aurkako borroka. 2016an proiektua geldiaraztea lortu bazuten ere, Donald Trumpek berriz ere martxan jarri du eraikuntza. Protesta jendetsuen gainetik pasaz dagoeneko martxan da iparretik hegoraino Iowa eta Illinois zeharkatuz Dakota gurutzatzen duen petrolio-hodia.
AEBetako Hego Dakotako Pine Ridge erreserbako Lakota Sioux Tribe tribu-gobernuak bi lege historiko onartu zituen 2019ko legealdian. Sexu berekoen arteko ezkontza eta LGTBIQ pertsonen aurkako erasoak gorroto delituen barruan sartzea. Lorpen hauen atzean dauden ekintzaileak... [+]
Lakota hizkuntzaz hitzaldia egitekoa zen Aitor Esteban (Bilbo, 1962) iragan martxoan Gasteizen, Hitz Adina Mintzo ikastaroaren barnean. COVID 19-ak eragindako konfinamenduak bertan behera utzarazi zituen martxoaz geroko saioak eta, hainbestean, postaz jakinarazi dizkigu lakota... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Dakota Acces Pipeline oliobidea eraikitzen ari den enpresak Greenpeace eta beste talde ekologista batzuk salatu ditu 300 milioi dolar eskatuz. Trumpen abokatuak arduratu dira salaketa jartzeaz.
Rafael Gonzales ekintzaileak (Minneapolis, AEB) erro indigenak ditu –Puerto Ricokoak ere bai–. Horrek eraman zuen, besteren artean, bere hiritik autoz sei ordutara zeuden NoDAPL erresistentzia kanpamentuetara. Herri indigenek eta ekologistek hilabete luzez Dakota... [+]