Asteartean Donald Trump, Ameriketako Estatu Batuetako presidenteak herrialdeko oliobideen eraikuntza lanak, Keystone XL eta Dakota Access oil pipelines DAPL, jarri zituen berriz ere martxan. Bi proiektu horiek geldirik zirauten iaztik, aborigenen zein ekologisten erresistentziak gogorrak izan baitziren.
Erantzuna berehalakoa izan da. DAPL oliobidearen eraikuntza oztopatzeko hainbat kanpamendu zituzten eraikita aborigenek eta lagunek; baina kanpamendu horietako batean 76 pertsona atxilotu dituzte. Bertako sheriff-aren arabera, kanpamendu hori eremu pribatuan dago, eta ondorioz kanporatu egin dituzte. Hain zuzen, lur horietatik igaroko da oliobidea, eta poliziak dio bere eraikuntzaz arduratuko den enpresarenak direla. Bertakoen aburuz, aldiz, lur horiek bertako aborigenenak dira.
Winona Laduke aktibista aborigenak Democracy Now! hedabideari adierazi dio Trumpek gerra deklaratu diola “ez soilik bertako aborigenei, baizik eta ura edan nahi duen edonori”. Standing Rock-eko sioux tribuak jakinarazi du Trumpen aginduak legea eta tribuarekin dituen itunak hautsi dituela, eta auzitegietara joko dutela erantzuna emateko.
Udaberrian hasi ziren protestak DAPL ibilbidea zabaldu zutenean, eta geroztik 700 pertsona inguru atxilotu dituzte bertan izandako protestetan.
Oliobidearen zati txiki bat soilik geratzen da eraikitzeko. Baina zati hori, Standig Rocks sioux erreserbaren ondotik igaroko da, eta bertakoen leku sakratuak eta hilobiak hondatuko ditu azpiegituraren eraikuntzak. Gainera, gune horretatik Missouri ibaia igarotzen da, eta ekologistek diote eraikuntzak urak kutsatuko dituela.
Trumpen erabakiak protestak piztu ditu Washington, New York, Los Angeles, San Francisco, Seattle, Philadelphia eta beste zenbait hirietan, eta bertako siouxek erresistentziara batzeko deia zabaldu dute.
AEBetako Hego Dakotako Pine Ridge erreserbako Lakota Sioux Tribe tribu-gobernuak bi lege historiko onartu zituen 2019ko legealdian. Sexu berekoen arteko ezkontza eta LGTBIQ pertsonen aurkako erasoak gorroto delituen barruan sartzea. Lorpen hauen atzean dauden ekintzaileak... [+]
Lakota hizkuntzaz hitzaldia egitekoa zen Aitor Esteban (Bilbo, 1962) iragan martxoan Gasteizen, Hitz Adina Mintzo ikastaroaren barnean. COVID 19-ak eragindako konfinamenduak bertan behera utzarazi zituen martxoaz geroko saioak eta, hainbestean, postaz jakinarazi dizkigu lakota... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Dakota Acces Pipeline oliobidea eraikitzen ari den enpresak Greenpeace eta beste talde ekologista batzuk salatu ditu 300 milioi dolar eskatuz. Trumpen abokatuak arduratu dira salaketa jartzeaz.
Prentsaurreko bidez onartu dute bi ekintzailek AEBetako Iowa estatuan Dakota Access Pipeline oliobidea eraikitzeko makinen eta hodien aurkako hainbat sabotaje ekintza egin izana. Makinei su eman dietela eta hodiaren balbulak apurtu dituztela aldarrikatu dute, Democracy... [+]