Ekologismoaren kontrako oldarraldia AEBetan: Greenpeace 660 milioi euro ordaintzera zigortua
Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.
Greenpeacek 660 milioi euro ordaindu beharko dizkio Energy Transfer Partners petrolio konpainiari, Dakota Access oliobidearen kontrako protestetan "jokabide kriminala" izateagatik eta "difamazioagatik". Standing Rockeko sioux tribua bete-betean kaltetzen zuen azpiegitura horrek, eta milaka lagunek manifestazioak eta ekintzak egin zituzten, batez ere 2016. eta 2017. urteen artean. Geroztik, enpresak auzitara jo du Greenpeacen kontra eta, orain, epaimahai batek zigor milioiduna jarri dio erakunde ekologistari.
Greenpeacek AEBetan duen egitura arriskuan jarri du epaiak, baina hortik harago, Gobernuz Kanpoko Erakundeek zein adierazpen askatasunean aditu direnek kezka handiz ikusi dute auzia, protesta sozialetan eta aktibismoan izan dezakeen eraginagatik.
Energy Transferrek helburu bezala du "protesta baketsurako eskubidea deuseztatzea", salatu du erakundeak. Hain justu, petrolio konpainia horrek diru-ekarpen oso handiak egin dizkio Donald Trumpi AEBetako presidentetza lortzeko
Slapp bezala ezagutzen den bidea erabili dute Greenpeacen kriminalizazioa aurrera eramateko, "Parte Hartze Publikorako Salaketa Estrategikoa" esan nahi dute sigla horiek ingelesez, eta multinazionalek gero eta gehiagotan erabiltzen dute ekintzaileen, kazetarien edo sindikalisten kontra. Azken batean, helburua ez da epaiketa justu bat izatea baizik eta salatua beldurtzea eta ahultzea.
Energy Transferrek helburu bezala du "protesta baketsurako eskubidea deuseztatzea", salatu du Greenpeacek, The Guardian egunkariak jaso duenez. Hain justu, petrolio konpainia horrek diru-ekarpen oso handiak egin dizkio Donald Trumpi AEBetako presidentetza lortzeko.
Ipar Dakotako Mandan herriko kideek osaturiko epaimahai batek epaitu du auzia, eta hasieratik bere inpartzialtasuna zalantzan jarri dute, herri horretako komunitateak eskuineko joera kontserbatzaileak dituela eta oliobidearen alde dagoela egotzita. Egunkari britainiarraren arabera, epaimahaierako aukeraturiko herritarren erdiak baina gehiagok loturak ditu erregaien negozioarekin.
Sioux herriak erantzukizuna bere gain
Enpresa saiatu da Greenpeace oliobidearen kontra izandako sabotaje ekintzekin lotzen. Baina Standing Rockeko sioux tribuak komunikatu baten bidez bere gain hartu du protesten gidaritza. Saltatu dute Energy Transferrek Standing Rockeko komunitatea babesten duen ahots oro "isilarazi" nahi izan duela epaiketa horrekin.
Greenpeacek ohar bidez jakinarazi du epaiari helegitea jarriko diola eta "garaipena lortu arte borrokatuko" duela.
Fracking-a eta BBVA
2008a frackingaren eztanda urtea izan zen AEBetan, herrialdea munduko petrolio ekoizlerik handiena bihurtu zen, eta industriak metodo errazagoa behar zuen produktua petrolio-findegietara eta munduko merkatuetara eramateko. Horrela, 2014ean DAPL oliobidearen proiektua proposatu zuen, petrolio gordina Ipar Dakotatik Illinoiseraino eta gero golkoko kostalderaino eramango zuena. Gaur egun, lurpeko 1.900 kilometroko oliobide horrek 750.000 petrolio upel petrolio garraiatzen ditu egunero.
2017an Rafael Gonzales oliobidearen aurkako ekintzailea elkarrizketatu zuen ARGIAk, Europan egin zuen bira baliatuta. Besteak beste, salatu zuen BBVA bankua zela azpiegitura bultzatzen ari zen ankuetako bat:"BBVAk 120 milioi dolar inbertitu ditu Standing Rockeko proiektuan. Hori da gu orain hemen egotearen arrazoietako bat. Salatu nahi dugu BBVA eta Credit Suisse banku europarrak milaka milioi dolar inbertitzen ari direla Dakota Access proiektuan. Europako banku horiek kolonizazioari eta herri indigenen zapalkuntzari jarraipena ematen diote. Nekatuta gaude eta ez dugu gehiago jasango, borrokan eta haiek lotsarazten jarraituko dugu".
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
Sugea ikusi orduko: “Sugegorria!”. Telesforo Aranzadi zenak esaten baitzuen, begiek ez dutela ezagutzen dutena baino ikusten. Eta sugegorria ezagutu, ezagutzen dugunez (entzunaz, sikiera), hori bera izaten da joera: ikusten dugun suge oro sugegorria dela iruditzen... [+]
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Bada Garde. Urrutira gabe hor dago, urrutieneko mugaren guardan. Umetan ezagutu nuen Garde, ez dut gogoan zenbat urte nituen, baina landatuta geratu zitzaidan han ikusi nuena.-
Dei batek dena alda dezake. Eguna bai, bederen. Hurrengo orduetako martxa, sikiera. Ourensen dagoen lagunak jasotzen du Noainen dagoen Lugoko lagunaren deia. Dei bakar batek ekarri zituen Galizako elkarte bateko zortzi artzain eta ahuntzain bat etxera. Zoragarria izan zen... [+]
Valle de Odietako epaiketa epaiaren zain geratu da ostiral honetan Iruñeko Justizia Jauregian akusatuek deklaratu eta akusazioek eta defentsak haien ondorioak azaldu eta gero. Ez da aldaketarik egon alde bakoitzak egindako eskaeretan.
Vichamako (Peru) aztarnategian, arkeologoek 3.800 urte inguruko estatuatxo berezi bat aurkitu berri dute. Caral zibilizazioaren azken arokoa da, eta bi apo irudikatzen ditu.
Aztarnategi bereko hainbat hormairuditan gosetea, lehortea eta, finean, ingurumen krisiari lotutako... [+]
Garaipen historikotzat jo dute hainbatek: duela sei urte Ozeano Bareko estatu zaurgarrietako ikasle talde batek bultzaturiko ekimen baten ondorioz, Nazio Batuen auzitegi gorenak iritzia plazaratu du uztailaren 23an, zeinak munduko estatuek klima aldaketari begira dituzten... [+]
Italiako hainbat hiritan hondartzen eta itsasoaren izaera publikoa aldarrikatzeko mobilizazioak egin ditu udan Itsasoa Aske mugimenduak. Hondartzen erdia enpresa pribatuek kudeatzen dutenez, bainua hartzeko ordaindu beharra daukate herritarrek. Zonalde turistikoenetan ordainpeko... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
François Bayrouk dimisioa eman eta ordu gutxitara izendatu du Emmanuel Macron Frantziako presidenteak ordezkoa: Sébastien Lecornu izango da lehen ministro berria, aurretik Defentsa ministro izandakoa eta Macronen oso gertukoa. Oposizioa haserre mintzatu da, ezker zein... [+]
