"Oiongo nerabe batek Mikel Laboa ez ezagutzea denon ardura da"
Ikastolen Elkartean orain, eta besteak beste.
Nekeza behar du nerabeekin aritzeak, are euskararen erabilera sustatzen.
Nerabezaroa distantzia laburrenera duenarentzat errazagoa da, presenteago dituzulako garai hark zituen irrika eta beharrizanak. 50 urte ditudanerako jubilatuta egongo naiz; hori ari zaizkigu esaten ezta?
Badakizu, da rollo bat euskara.
Guretzat ere rollo bat zen gaztelania eta ikasteaz gain, erabiltzera derrigortu gaituzte. Osakidetzari zor diot “bihotzerrea” gaztelaniaz “ardor” dela ikastea.
Baina, gauden lasai, lortuko dugu euskal eskola publikoa.
Nik oraindik Baldin Badaren Zirt Zart, eskola euskaldun publiko bat kanta entzuten dut, eta abesten jarraitzen. 1986ko Ibilaldirako sortu zen, atera kontuak!
Ikastola publiko egitea edo eskola publikoa “euskal”, zer da eraginkorrago?
Ikastolak publiko dira, estatalak ez badira ere.
Katalunian hezkuntza eredu bakarrak kohesionatzen du gizartea; hemen, eskola eredu bakarra adosteko ere lanak.
Baina Kataluniakoa ere zalantzan dago, ez? Tribunalek gaztelania ere transmisio hizkuntza izan dadin neurriak hartzeko eskatu dute. Zein zaila den batzuetan emantzipatzea...
Elitistak omen dira Ikastolak.
Zoaz Iparraldeko, Erriberako, Errioxako ikastoletara edo Bilboko Abusu auzokora. Bueltan egingo dugu berba.
Eta total asmakeriazkoak, Euskal Herria gora, Euskal Herria behera.
Savater, Juaristi eta hauek jarri zuten modan Euskal Herri imajinarioa. Sarrionandiari irakurri diot, Euskal Herria Espainia bezain asmatua dela, eta ez dela faltsuagoa. Nazio bat eraiki nahian bagabiltza, bertako partaide izango diren guztiak integratu beharko ditugu.
Lan handia dagoela aurretik, alegia...
Biltzeko garaian gaude eta ez banatzeko. Auzolanak izan beharko du gure ikur, denaren beharrean gaude. Oiongo nerabe batek Mikel Laboa ez ezagutzea denon ardura da edo, modu berdinean, Hernaniko batek Arratia non dagoen ez jakitea.
Ikastolen Elkartea, Euskarazko Komunikazio Taldea, Hala Bedi... Idazletzat hartzen zaituzte oraindik?
Zantzo bat bota genuen Arratia bailaratik duela hamabost urte eta Zantzoa literatur fanzinea izan zuen ondorio. Denetarik egin dut harrez gero, baina ez dut libururik idatzi, beraz okerren bat egongo da nonbait.
Non gorde da, baina, Nagore Amondarain idazlea?
Zure eta nire unibertsitate garaian seguruenik. Irakurlea baino ez naiz, egun.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
EHUren ikerketa batean, haur batzuk arkatza eta beste batzuk teklatua erabilita jarri dituzte idazten. Helburua zen jakitea ea irakurtzeko eta idazteko ikasketa-prozesuan alderik badagoen. Emaitza argia atera dute: haurrek eskuarekin egindako mugimenduen bidez ikasten dute... [+]
Epaiketetan aldeen arteko akordio aukera iritsi daiteke ahozko auzia hasi baino minutu batzuk lehenago. Auzi honetan akusatuek publiko egin dituzte orain arte egondako negoziazio saioak, eta azkena aste honetakoa izan da, ezagutarazi den moduan porrot egin duena. Akordiorik egon... [+]
Euskaraldia martxan da, hizkuntza ohiturak aldatzea bultzatzeko ekimen erraldoia. Milaka eta milaka herritarrek konpromisoa hartu dute, hamaika egunotan, euskarak presentzia gehiago izan dezan euren eguneroko bizitzan. Askorentzat pauso txikia baina ahalegin handia izango da,... [+]
Putaren bakarrizketa eroetxean
- Egileak: Franca Rame eta Dario Fo.
- Itzultzailea: Xabi Martinez De Lezea.
- Aktorea: Laura Penagos.
- Noiz: apirilaren 12an.
- Non: Zizurkilgo Atxulondo Kultur... [+]
"Weissman kanpora, sionismo-faxismoa suntsitu" idatzi zuen sarean, palestinarrak erailtzeko deia egin baitzuen Granadako jokalariak. "Arrazakeriaren eta Xenofobiaren Aurkako Legea" ezarrita, isun erraldoia jarri diote Indar Gorriko kide bati.
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Atarrabiako Paz de Ziganda ikastola ari da antolatzen aurtengo Nafarroa Oinez festa. Gaur aurkeztu dute egun horri begirako abestia eta bideoklipa. Estitxu Arozena bertsolariaren letrarekin eta Igor Martinezek sortutako musikarekin osatu dute.
Ia hiru hamarkada daramatza Aiora Zulaika lasarte-oriarrak Pirritx pailazoa gorpuzten, eta haurrei eta familiei irri egiteko espazio goxo bat eskaintzen, errebeldiaz eta asmo eraldatzailez. Pirritx, Porrotx eta Marimotots pailazoek “Maite zaitut” herri omenaldia jaso... [+]
Azterketa euskaraz egitea debekatzen dietela salatu du Baionako Bernat Etxepare lizeoko Euskal Herrian Euskaraz taldeak. Pasaden urtean egindako eskakizunei jarraiki, aurten ere azterketak euskaraz egiteko eskatu dute.
Irailetik mediku euskaldunik gabe daude Elizondoko (Nafarroa) herritarrak. Horrez gain, udan medikurik gabe geratzearen beldur da Baztango Osasun Plataforma. Ekainaren 4an, bizikleta martxa egingo dute herrian.
Klima-aldaketari buruzko BC3 ikerketa-zentroak baieztatu duenez, Europako hiriak atzera geratzen ari dira klima-aldaketari egokitzeko neurrietan. Hain zuzen, nazioarteko beste zentro batzuekin batera egindako ikerketan frogatu dute egokitzapen klimatikoko planen ia % 70k ez... [+]
Maiatzaren 10ean, Ezpeletan, Batera herritar plataformak Lurralde Kolektibitatearen aldeko dinamika berpiztu du. Birsortze Biltzar Nagusian parte hartu duten 120 bat pertsonek plataformaren oinarriak finkatu dituzte.