Baterak Ipar Euskal Herriko Lurralde Kolektibitatearen aldeko dinamika berrabiatu du
Maiatzaren 10ean, Ezpeletan, Batera herritar plataformak Lurralde Kolektibitatearen aldeko dinamika berpiztu du. Birsortze Biltzar Nagusian parte hartu duten 120 bat pertsonek plataformaren oinarriak finkatu dituzte.
Euskal Elkargoa sortu eta zortzi urte berantago, eragile sozial desberdinak eta tendentzia politiko desberdinetako ordezkariak ados jarri dira lurraldearen etorkizuna elkarrekin gogoetatzeko eta instituzio berri baten alde egiteko.
Ipar Euskal Herriko Lurralde Kolektibitatearen alde
Birsortze Biltzar Nagusian aho batez onartu mozioak* Euskal Elkargotik Lurralde Kolektibitatera pasatzeko beharra azpimarratu du, lurraldea eskumen eta baliabide gehiago eskura ditzan. Horrela, Batera plataformak segida ematen dio Baterak, Hautetsien Kontseiluak, Garapen Kontseiluak, Herrien Biltzarrak eta Merkataritza Ganbarak 2013an adostutakoari. Lurralde Kolektibitatearen ezaugarriak oraindik zehaztekoak badira ere, antolatzaileek Lyongo Kolektibitatea hartu dute adibidetzat, Lurralde Kolektibitate hori baita Elkargo baten eta Departamendu baten eskumenak biltzen dituen bakarra.
Batera Berria
Biltzar Nagusian hitza hartu dutenek herritar plataformak azken urteetan eraman lana goraipatu dute. Horrez gain, lurraldearen aniztasuna islatzen duen Talde Eragile berria eratu dute.
2025-2028ko bide-orria
Finkatu helburua lortzeko, Baterak heldu diren urteetako bide-orria aurkeztu eta bozkatu du. Herritar plataformak idekitzen den hauteskunde sekuentzian eragin nahi du (herriko bozak, presidentzialak, departamentalak eta eskualdekoak), Ipar Euskal Herriaren etorkizun instituzionalaren gaia lehen lerroan ezartzeko, helburua delarik horren aldeko gehiengo politiko eta soziala sortzea lurralde osoko jendarte zibila eta energiak mobilizatuz.
Lurralde Kolektibitatea sustengatzeko deialdia
Batera herritar plataformak lurraldeko herritar eta eragile guziak deitzen ditu Ipar Euskal Herriko Lurralde Kolektibitatearen alde mobilizatzera dinamikan parte hartuz (https://plateformebatera.org/)
*2013an, Batera plataformak, Hautetsien Kontseiluak, Garapen Kontseiluak, Herrien Biltzarrak eta Industri eta Komertzio Ganbarak mobilizazio handi bat sustatu zuten elkarrekin Ipar Euskal Herriko Estatus Bereziko Lurralde Kolektibitate baten alde. 2017an, lurraldeak errekonozimendu instituzional historikoa lortu zuen Euskal Elkargoaren sortzearekin.
Euskal Elkargoan metatu den lan eta esperientzia kolektiboan oinarrituz, Ipar Euskal Herriko bilakaera instituzionalaren aldeko aldarrikapena berpizteko borondatea berresten dugu, gaurko Euskal Elkargotik Estatus Bereziko Lurralde Kolektibitate bateruntz joateko.
2002an hasitako Batera plataforma berraktibatzea erabakitzen dugu eta Estatus Bereziko Lurralde Kolektibitatearen aldeko herri mobilizazio fase berri bat idekitzea. Horren ondorioz, engaiatzen gira: instituzio horri buruzko informazioa zabaltzera, bilakaera horrendako beharrezkoak izanen diren mobilizazio guzietan parte hartzera, eta elkarrekin etapa instituzional berri bat eraikitzera Euskal Herriarentzat.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Bidaide eta gogaide XVII. mendeko Arnaud Oihenarteren Atsotitzak eta neurtitzak liburuan kausitu dezakezu, eta bidean kausitu eta gustura ondoan harturiko bidai-lagunari erraten zitzaion "gogaide". Aurelia Arkotxak ekarri zuen gurera, Zubiburu solasaldian, hain justu... [+]
Ziburuko Euskal Liburu eta Disko Azoka iragan da ekainaren 7an, 40 bat argitaletxe eta diskoetxe eta milaz gora bisitari elkarturik herriko plazan. Euskaraz bagara lelopean iragandako seigarren edizio horren balorapen baikorra egin dute Baltsan eta ARGIA antolatzaileek: euskara... [+]
Canfranc (Huesca, Espainia), 1940ko ekaina. Charles De Gaulle jenerala buru zuen Londresko Frantzia Askearen gobernuak erabaki baten berri eman zion Albert Le Lay Canfranceko nazioarteko tren geltokiko Frantziako aduanako arduradunari: bere postuan geratu behar zuen. Ez zirudien... [+]
Diziplina askotan ibilia da Amaiur Epher (Izpura, 1994). Aktore lanak egiten ezagutu nuen orain urte batzuk. Diabolo Kiwi edo Frigo taldeekin erritmo dantzagarriak joz ikusi eta entzun du, ziur, batek baino gehiagok. Eta idazlea ere bada. Bigarren liburua argitaratu berri du:... [+]
Debekua uztailak 1ean sartuko da indarrean hainbat espazio publikoetan, hondartzak edo parkeak kasu. Araua errespetatzen ez duten herritarrei 135 euroko isuna jarriko diete.
Hazparnen idekiko da –hau publikatzean ez bada jadanik egina– liburu denda berria. Et’abar deituko da. Denda tipia izanen da, euskarazko publikazioen eskaintza ukanen duena. Ez da Ipar Euskal Herri barnealdean bakarrik arituko. Hain zuzen ere, azken lau... [+]
VII. Nazimetroaren emaitzak aurkeztu dituzte Telesforo Monzon eLab-ek, Aztikerrek eta Parte Hartuzek. Joera erreakzionarioen hazkundea bi eremutan identifikatu dute nagusiki: migratzaile eta kultura aniztasunarenean, eta genero berdintasun eta feminismoarenean. Joerak... [+]
Lizarra-Garaziko akordioan hartu zuen parte, Abertzaleen Batasunaren ordezkari gisa. Alderdi horretako bozeramaile izan zen. Frantziako Legebiltzarrerako hauteskundeetara aurkeztu zen 1988an, 1993an, 1995ean eta 1997an. Azken hamar urteotan Hendaiako auzapezorde izan da.
Salatu dute 69 urteko gizonak hogei urtean egin zituela erasoak. Donostian bi gizon atxilotu dituzte, adingabe bat bortxatzea leporatuta; beste bi gizon ere ikertzen ari dira, talde bortxaketako parte izan daitezkeelakoan. Salaketa jarri duen adingabea Gipuzkoako gizarte... [+]
Azterketa euskaraz egitea debekatzen dietela salatu du Baionako Bernat Etxepare lizeoko Euskal Herrian Euskaraz taldeak. Pasaden urtean egindako eskakizunei jarraiki, aurten ere azterketak euskaraz egiteko eskatu dute.
Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu izanagatik zigortu dituzte.
Ziburuko Azokaren karietara abiatu zen Azokaroak aurrera jarraitzen du Ipar Euskal Herrian eta ostiral honetan poema errezitaldi musikatuaz gozatu ahal izango dute Euskal Urruñako Berttoli kultur elkartean, 19:00etan: Maddi Sarasua itsasuarrak idatzitako Biharraren hegietan... [+]
Ekainaren 7an izango da Baltsan elkarteak eta ARGIAk elkarrekin antolatzen duten Ziburuko Euskal Liburu eta Disko Azoka. Seigarren edizio honetan Aurelia Arkotxa izango da omendua eta egitarau oparoa ezagutzera eman dute prentsaurrekoan. Ziburuko Azokaren uhina inguruko... [+]