Akusatuek ez dute Palacio de Arozteguiak eskatutako erantzukizun zibila onartu eta astelehenean epaiketa hasiko da
Hilabeteak dira jada fiskaltza, defentsa eta akusazio partikularra –Palacio de Arozteguia SM– epaiketa ez egiteko negoziatzen ari direla. Bazegoen oinarrizko akordio bat, baina Aroztegiko Elkartasun Komiteak prentsa ohar bidez iragarri du bertan behera gelditu dela.
aurre egingo dieten hedabide independenteak
Akordiorik egon ezean, beraz, datorren astelehen goizean, hilak 19, epaiketa hasiko da Iruñean, eta 23ra arte luzatuko da. Elkartasun komitetik adierazi dutenez, joan den azaroan egon zen fiskaltzak proposatutako negoziazio saio bat, baina bertan behera gelditu zen Palacio de Arozteguia SMk auzipetuen jarduera “talde kriminala izendatzearen akusazioa mantendu nahi zuelako”.
Joan den astean ere berriz zabaldu zen akordioaren aukera fiskaltzaren aldetik, eta bazirudien oraingoan lortuko zela, baina oraingoz ez da posible izan: “Akordioa lortzeko negoziazio horietan", diote elkartasun komitekoek, "bai fiskaltzak bai Palacio de Arozteguia S.Mk adierazi dute talde kriminalaren eskaera bertan behera uzteko prest daudela”, baina ez daude prest akusatuei eskatzen zaien erantzukizun zibila erretiratzeko.
Horren arabera, Palacio de Arozteguiak eskatzen du auzipetuek erantzukizun zibila onartzea –beraz, egin ez dituzten ekintza biolento ugari onartzea–, eta trukean bermatzen du ez diela inoiz eskatuko erantzun zibili hori ordaintzea.
Akusatuek ez dute akordio hori onartu, haien ustez, Palacio de Arozteguia SMk haien bizitzak erabiltzen dituelako “Nafarroako eta Espainiako gobernuengandik 43 milioi euroko kalte-ordaina lortzeko. Ez gaude prest biziarteko zigor ekonomikoaren arriskua onartzeko, are gutxiago egin ez dugun zerbaitengatik”.
Zigorra, 43 milioi lortzeko
Epaiketan akusatuei bi delitu leporatzen dizkiete, bai fiskaltzak, bai akusazio partikularrak: bat, talde kriminala osatzea; bi, bortxazko zazpi delitu jarraian egin izana. Baina epaiketa honetaz aparte, Palacio de Aroztegiak badu beste prozedura bat zabalik Nafarroako eta Espainiako gobernuen kontra. Argudiatzen du akusatuek obrak eteteaz gain proiektu osoa geldiarazi zutela 2021eko apiril hartan, eta horrek 46 milioi euroko kalteak ekarri dizkiela Aroztegiako proiektua aurrera daramatenei.
Palacio de Arozteguiaren arabera, bi gobernuek ez zituzten behar besteko segurtasun neurriak hartu obren hasiera babesteko, horren ondorioz milioietako kalteak izan dituzte, eta bi gobernuek 43 milioi euro ordaintzea nahi dute, kalte-ordain gisa. Horretarako, haientzat oso garrantzitsua da epai bat izatea, non esango den Aroztegia proiektua talde kriminal batek geldiarazi zuela, edota sikiera pertsona talde zehatz batek.
Aroztegiko Elkartasun Komiteak ekitaldi ugari antolatu ditu auzipetuei elkartasuna eta sostengua adierazteko. Ondorengo afixa honetan ikus daiteke egunez eguneko ekitaldiak.
Aroztegiko epaiketaren akusazioen –fiskaltza eta akusazio partikularra– idazkiak irakurrita, pentsatzekoa zen epaiketan aterako zituztela froga argiagorik, horrekin bakarrik talde kriminalaren akusazioa oso larria baitzen. Ez ba, bost eguneko epaiketa zuzenean... [+]
Fiskalak eta akusazio partikularrak zazpi auzipetuen zigor eskaerak berretsi dituzte, 46 hilabeteko kartzela zigorra eta 56.000 euro enpresei egindako kalteen ordain gisa. Auzipetuen abokatuek absoluzioa eskatu dute. Epailearen eskuetan geratu da erabakia.
Ostegunean auzipetuek deklaratu dute, eta haien adierazpenetatik honakoa laburbildu liteke: Lekarozko plazan edo akanpadan biltzen ziren herritarrek taldean erabakitzen zuten zer egin; oro har, obren eremura joan eta makinen aurrean era pasiboan jarri.
Asteazkenean lau foruzain, bi alkate ohi eta bi kazetari izan dira haien testigantzak ematen. Geroago, amaiera amaigabean, akusazio partikularraren 11 bideo eta albistegi ikusi eta itzuli dira gaztelerara: desobedientzia zibila begien aurrean. Oso luze joan da, luzeegi.
Bigarren ahozko saioan Aroztegiako obren eremuan izan ziren 11 guardia zibilek deklaratu dute asteartean, gehien-gehienak fiskaltzak deituta. Astelehenekoarekin konparatuta azkar joan da dena, eta arras lasaiago. Haien guztien testigantzan zerbait azpimarratu behar bada zera da:... [+]
Goiza epel esnatu da Iruñean, eta Nafarroako Justizia Jauregiaren aurrean epela beroa zen, elkartasunaren beroa. Baztandik hurbildutako Aroztegiko Elkartasun Komiteak karpa jarrita zuen auzitegiaren aurrean eta dozenaka pertsonak haien elkartasuna adierazi diete zazpi... [+]
Aste osoan ARGIAko kazetari bat dedikazio osoz izango da auzitegi barruan gertatzen denaren berri ematen, baita kanpoan Aroztegiko Elkartasun Komiteak auzipetuen absoluzioa eskatzeko antolatutako egitarau zabala jarraitzen ere. Argia.eus-en aurkituko duzue informazio guztia... [+]
Epaiketetan aldeen arteko akordio aukera iritsi daiteke ahozko auzia hasi baino minutu batzuk lehenago. Auzi honetan akusatuek publiko egin dituzte orain arte egondako negoziazio saioak, eta azkena aste honetakoa izan da, ezagutarazi den moduan porrot egin duena. Akordiorik egon... [+]
Euskal Herriko hainbat arlotako 196 pertsona ezagunek Aroztegiako auzipetuen aldeko manifestua aurkeztu dute Iruñean astearte goizean. Errepresioa eta Aroztegiako proiektuak ordezkatzen duen garapen eredua salatu dituzte. Astelehenean hasiko den epaiketa salatzeko ekintzak... [+]
Aroztegiako hirigintza proiektuaren lanak eteteagatik Baztango zazpi herritar epaituko dituzte maiatzaren 19tik 23ra. Auzipetuei elkartasuna adierazi eta beren absoluzioa eskatzeko kanpaldia hasi zuten igandean Elizondoko plazan, larunbatera arte. Aroztegiko Elkartasun... [+]
Baztango zazpi herritar epaituko dituzte maiatzaren 19tik 23ra. Epaiketaren bezperan, Aroztegiko Elkartasun Komiteak zazpi absoluzioa aldarrikatzeko kanpaldia antolatu du, maiatzaren 4tik 10era, Elizondoko Plazan. Askotariko egitaraua osatu dute egunotarako.
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]