Journal of Physiology aldizkarian argitara emandako artikulu batean, gau batean lorik ez egiteak 135 kaloria erretzea dakarrela adierazi dut. Hau da, bi xerra ogik edo 225 mililitro esne erdigaingabetuk duten kaloria kopurua. Beste era batera esanda, gau oso batean lo ez egitean ordu erdiko ibilaldi arin batean gastatzen dugun energia kopurua gastatzen da.

Datu hori lortzeko zazpi heldu gazte hautatu zituzten, hainbat proba egiteko. Lehen egunean hamasei ordutan esna mantendu zituzten, eta hurrengo zortziak lotan igaro zituzten. Bigarren eta hirugarren egunetan, 40 ordu esna egon eta gero, zortzi orduko loaldia egin zuten.
Horrenbestez, Kenneth Wright ikerlariak frogatutzat eman du esna egotearen eta lo egotearen artean korrelazioa dagoela energia kontsumoari dagokionez, eta lorik ez egiteak metabolismoan kostua baduela.