"Helburu nagusia Interneteko informazio garraiatzaile izatea da".

1995eko irailaren 10an

Mikel Orrantia Telefonicako Bizkaiko zuzendariordeari elkarrizketa
"Helburu nagusia Interneteko informazio garraiatzaile izatea da".
Mikel Orrantia, Telefonicako Bizkaiko zuzendariordea
Astelehen honetatik aurrera Gipuzkoa eta Bizkaiak Internet Telefonicako saretik erabili ahal izango dute, eta 1996ko hasieratik aurrera Telefonicako bezero guztiek zabalik izango dituzte Interneteko ateak. Mikel Orrantia, 46 urteko bilbotarrak eskaini dizkigu gainerako xehetasunak.
Espainian dagoeneko 40.000tik gora ordenagailu konektatuak daude Internetera, ez ote dabil Telefonica berandutxo?
Argi dago Internet mundu mailako informazioaren erraldoi bat dela, munduan jadanik 30 milioitik gora erabiltzaile dituela eta Telefonicarentzat ere negozio ona izan daitekeela berarekin jardutea.
Baina Internet nagusiki enpresa publiko eta pribatuentzako negozio aukera da. Orain arte, akaso bere egituratzeagatik, Telefonica zain egon da, baina kontuan hartuta gure 15.000 bezerok telefonoa dutela jadanik, bete-betean heldu diogu eta gure helburua telefonoa PCa eta modema duten guztiek Internet zerbitzua erabili ahal izatea da.
2000. urtera arte Espainia osoan 80.000 ordenagailuk Interneteko sarearekin bat egingo dutela aurrikusten da, horietatik zer ehuneko aurrikusten duzue Hego Euskal Herrirako?
Ez dugu Euskal Herrian dagoen ordenagailu kopuru zehatzaren daturik baina jakin badakigu Espainiakoaren batez bestekotik gora dagoela. Beraz, Interneten erabilera Estatuko batez bestekoa baino handiagoa izango delakoan gaude.
Telefonicak bere konexio guneak izango ditu edo horretan ari diren enpresekin jardungo du?
Gure enpresa filialen baten bidez informazio eskaintza ere izango dugu, baina hori bigarren mailako helburua da. Gure asmo nagusiak sarean gardenak izatea eta informazioaren garraiatzaile izatea dira. Gaur egun telefonoaren eguneko batez besteko erabilera 9 minutukoa da, oso gutxi; gure negozioa, beraz, gure sarea gehiago erabiltzean datza. Urte batzuetan minutu gutxi batzuk igotzearekin gure helburua beteko genuke.
Zer abantaila eskainiko du Telefonicak erabiltzailea Interneta erabiltzera bultzatzeko?
Nagusiki erabiltzaileak erabiltzeko moduko prezioa. Gure abantaila nagusia --Internet erabiliz gero-- probintzia arteko telefono deien ezabatzea izango da. Hots, probintzia guztietako hiriburuetan izango da operatzaile bat eta hiru numero markatuz --055-- operatzaile guztietako informazio zentroetaranzko bideak zabalik geratzen dira. Hau Infobia zerbitzua da, aste honetatik aurrera Gipuzkoan eta Bizkaian martxan hasi dena. Horrela, bada, Bilbotik Sevillako operatzaile batekin bat lan egin gura bada, deia Bilbora egindako dei baten prezioa litzateke. Hori da Telefonicak eskaintzen duen abantailarik handiena.
Madril eta Bartzelonan jadanik martxan duzue zerbitzua ekainetik; ba al duzue emaitzen lehenbiziko baloraziorik edo?
Oporrak tartean izan dira eta ez dugu azterketarik egin, baina eskariak izan ditugu. Hemen Savenet dugu zentro zerbitzaile bakarra eta dagoeneko gurekin hitzarmena egiteko prestutasuna agertu du.
IBM, Servicom eta beste konpainia batzuk aspaldidanik lanean ari dira Internetekin, zer eskaini behar du Telefonicak haiekin lehiatzeko?
Horiek zentro zerbitzuzkoak dira eta ez da gure asmoa horiekin lehiatzea. Eurek informazioa ematen dute eta Telefonicak informazio horren garraiatzaile izan gura du. Lehenbiziko fasean informazio zentro horiek Internetera gure sarearen bidez konekta dezaten gura dugu, eta bigarren fase batean dauzkagun 15.000 milioi bezeroei, modema duten heinean, sarera iristeko aukera eskaini gura diegu. Infoviara iristea 130 pezeta kostatuko zaio erabiltzaileari; hori oso prezio merkea da.
Lehenbiziko fasea, enpresa munduari eskainitakoa indarrean dago jada, noiz erabili ahal izango du erabiltzaile arruntak Telefonicaren bidez Interneta hemen?
Bartzelonan eta Madrilen irailaren 4an hasi ziren froga gisa. Gainerako probintzietarako hemendik abendura zerbitzu hori jartzeko azterketak egiten ari dira; 900aren antzeko zenbaki batekin helduko litzateke Internet sarera eta oraingoz prezioa hirikoa eta probintziakoaren tartekoren bat litzateke. Dena den, urtarriletik aurrera gure muntaia guztia prest izango dugulakoan gaude eta zerbitzua probintzia guztietan zabalduta izango da.
Hemendik urte batzuetara Interneta errealitate sendoa izango da Espainia osoan, aurreratu dezakezu berarekiko duzuen proiekturen bat?
Gure proiektuak beti egongo dira lotuta sarrera motek izan ditzaketen berrikuntza teknologikoei. Sarrerak oraindik oinarrizko telefono saretik egiten dira, hau digitala da eta zati batean analogikoa, aurrera begira erronka bide zabaleko sareak dira. 1998-99rako hauen erabilera finkatuko dela espero da eta Tefonicak horiei helduko die.
LETONA, Xabier
20-21

Gaiez\Ekonomia\Zerbitzuak\Besteak
Pertsonaiaz\ORRANTIA1
Egileez\LETONA1\Ekonomia

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

Zorroza Gestión de Residuos enpresak onartu egin du Bassirou Dioneren gorpua mugitu zutela, lan heriotza ezkutatzeko

Aimar Gutierrez Bidarte | Aiaraldea

“Maite dut Iparraldean antzerkia egitea, uste baitut hemen kodeak ulertzen direla”

Gorka Peñagarikano Goikoetxea

Hauxe da Gaza suntsitzeko Israelen eta AEBen plana

Jonathan Cook

Frantziako Estatuaren gobernantzaren mugak begi-bistan utzi ditu Mayotten koleraz hildakoaren kasuak

Jenofa Berhokoirigoin

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude