ARGIA.eus

2022ko ekainaren 27a

Konfinamendu "proportzionatuak" egiteko aukera eman diezaieke Gorenaren sententzia batek erkidegoei

  • Espainiako Auzitegi Gorenak berretsi du Andaluziako Juntak Jaengo Peal de Becerro udalerria konfinatzeko harturiko erabakia "beharrezkoa eta proportzionatua" izan zela. Sententziak bidea ireki diezaieke erkidegoei gisa bereko konfinamendu puntualak hartzeko.

Peal de Becerro Andaluziako udalerria konfinatzeko baimena eman du Auzitegi Gorenak (argazkia: Horadejaen)
ARGIA @argia
2021eko uztailaren 22a

Andaluziako Juntak helegitea jarri zion Andaluziako Justizia Auzitegi Nagusiak uztailaren 12an kaleratutako epaiari, Peal de Becerro udalerria konfinatzea eragotziz. Auzitegi Gorenak helegitea onartu eta arrazoi eman dio orain erkidego horretako gobernuari, esanez harturiko erabakia "beharrezkoa, proportzionatua eta egokia" izan zela, auzitegi andaluziarraren autoa bertan behera utziz.

Europa Press agentziak zabaldu du albistea. Gorenak kontuan eduki du, besteak beste, udalerri horretan Covid kasuen intzidentzia oso altua zela eta horien artean asintomatiko ugari zegoela, mugikortasunaren ondorioz "inguruko herrietan kutsadura larriagotzea" ekarriz. Gainera, konfinamendu dekretua "proportzionatua" izan zela dio, astebeteko itxiera baino ez baitzuen aurreikusten eta bertan behera gelditzeko aukera ere bai baitzegoen.

Hain justu, sententzia honen ondoren, Juntak jakinarazi du ez duela konfinamendu hori ezarriko, uztailaren 12tik hona udalerriaren egoera dexente hobetu delako (100.000 biztanleko 725,2 kasu 14 egunetan). Nolanahi ere, Gorenaren epaiak bidea ireki dezake beste erkidegoetan halako konfinamenduak ezartzeko orduan, Euskadi Irratiko Goizak Gaur saioko albistegian azaldu dutenez.

 

Kanal hauetan artxibatua: Covid-19 shockean adi  |  Andaluzia  |  Justizia

Covid-19 shockean adi kanaletik interesatuko zaizu...
2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Hemen dator Gorillas, kalea hiltzeko makina berria: zuk eskatu eta 15 minutu barru etxean bertan jasoko duzu

Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude