MOCen Bigarren Kongresua, Desobedientziaren Bidetik

1986ko ekainaren 01an

Kontzientzia Eragozpena, Mugimendu Politiko Bezala
MOCen Bigarren Kongresua, Desobedientziaren Bidetik
Maiatzaren 1, 2, 3 eta 4an KEM-MOC (Kontzientzi Eragozpen Mugimendua-Movimiento de Objeción de Conciencia) bere bigarren kongresua burutu du Madrilen. Bertan, estatu osoko 200 partaide inguru izan dira, aurreko kongresutik (1979) izandako bidea eta aldaketak aztertzeko, eta gaurko egoerari buruzko azterketa egiteko Objezioaren ikuspegitik.
Guztira bederatzi izan dira aztertutako gaiak (gaurko egoeraren azterketa, emakumea eta militarismoa, beste taldeekiko harremanak...).
Bere Adierazpen Ideolojikoan honela definitzen du bere burua MOC-ek: "Kontzientzia Eragozpen Mugimendua mugimendu politiko, Erradikala eta alternatiboa da, lan antimilitaristetan diharduena, eta beste borroka iraultzaileen garapenean lagunkidea izanik".
Aurrerago militarismo eta antimilitarismoaren azterketa egin ondoren Estatua eta honek dakarren menpekotasunaren kontrako borroka zehazten du.
Hartutako erabakietaz eta mugimenduaren lanaz jakiteko, Bilboko Talde Antimilitaristarengana jo dugu.
ARGIA.– Zeintzu izan dira aldaketa nabarmenenak lehenengo kongresutik?
MOC.–Denboran atzera joanda garai ezberdinak ikusten ditugu. Lehenengoz errepresio hutsa izan zen, beste mugimendu politikoekin bezala. Gero "permisibitatea" edo, eta gaur legeztapena.
Orduan, 1979, estatu mailan lanean zebiltzan obejtoreak batu egin ziren mugimenduaren definizio eta ezaugarriak ezartzeko. Era honetan egonkortasun eta loturarako oinarria jarri zen.
Garai hartan, jadanik, mugimendua antimilitarista definitu zen, hots, ez zela soldadutzaren kontrako mugimendu hotsa, bere lana eta eragite eremua aski zabalagoa zela baizik. Horren ondoren, mugimendua indartzen eta handitzen joan da orain arte.
Jarrerak ere, argitzen eta erradikalizatzen joan dira. Hasieran, talde batzuk "zerbitzu zibil autogestionarioak" antolatu zituzten, eta errekonozituak izan zitezela eskatzen zen alternatiba bezala. Egun, MOC-eko taldeek ez dute bide hau bultzatzen. Estatuari ez diogu inolako zerbitzurik (ez soziala, ez militarra) ezartzeko ahalmenik errekonozitzen; eta alor honetan ez diogu alternatibarik eskaini behar ere.
A.– Denbora honetan Parlamentuak Objezio Legea onartu du. Zuek honen aurrean Objezio Kolektiboa planteatu duzue. Zein izan da jasotako erantzuna, eta daukazuen perspektiba?
MOC.– Objezio kolektiboa gure erantzuna da legearen aurrean. Hitz gutxitan esanda, hauxe da: objetoretzat hartua izateko legeak tribunal bat ezartzen du, eta bertan objetoreak bere motiboak arrazoitu behar ditu, orduan tribunalak onartuko du ala ez. Guk, honen aurrean, aitorpen bakar bat bidali diogu zera esanez: alde batetik zibilak garela eta ez militarrak. Eta bestetik, inork ez duela ahalmenik gure arrazoiak epaitzeko, eta beraz, ez dugula tribunala errekonozitzen eta ez dugula ez zerbitzu militarra ez zibila egingo.
Erantzuna ezin hobea izan da, Testigos de Jehova direnetaz aparte, hauek bere pasibitatean ez dutela legea onartzen ere, objetoreen artean ia 4.000 izan dira aitorpen hau egin dutenak. Honek legea aplikaezina bihurtzen du.
Orain arte aitorpen guztiak onartuak izan dira. Lojikoena ez onartuak izatea litzateke agian, baina honek inplikazio politikoak dakartza, eta Gobernuak uneko egoera dela eta (OTANi buruzko erreferenduma, hauteskundeak...) ez ditu iskanbilak sortu nahi izan gure kontra sartuz.
Hala ere, guk uste dugu lege hau aurrera aterako dutela, agian apur bat aldatuta, baina funtsean ez, eta egin dezaketena amnistia edo legearen bidezko irtenbide bat ematea da zaharrak eta borrokalarienak erditik kentzeko. Modu honetan jende gutxi eta esperientzia gabekoekin geratuko lirateke, errazagoa izanik legea onartaraztea edo zigortzea.
A.– Posibilitate honen aurrean MOC-ek badu estrategia edo planteamenduren bat?
MOC.–Honen aurrean guk ikusten dugun bidea objezio kolektiboa zabaltzearena da. Jende gehiago dinamika honetan sartu, objetore kolektiboen kopurua gehitu eta problematika ezagutaraztea. Saiatuko gara ere soldadutzan dagoen jendearen objezioa errekonozitua izan dadin, posibilitate hau lehen bai bait zegoen eta orain kendu egin bait dute lege honekin.
A.–OTANi buruzko erreferendunean Euskadin ezetza nagusitu da, baina estatuan baietzak irabazi du. Honek ez du Mugimendu Pazifistaren baretzea ekarriko?
MOC.– OTANen kontra eta mobilizazio pazifistetan jende asko bildu da; eta egun beherakada gertatuko da dudarik gabe. Baina jendea ere kontzientziatua dago arlo honetan, eta orain da beste planteamendu eta borroka erradikalagoak bultzatzeko garaia.
A.–MOC-en 11. kongresuan mugimendu politikoa, erradikala eta alternatiboa definitu duzue. Zein da hitz hauei ematen diezuen esannahia?
MOC.–Guk aspaldian esan dugu gure borroka politikoa dela. Objezioa ez da arazo pertsonal bat, politikoa baizik. Gure borroka ez da talde marjinal batena. Objezio hitzak ez du agian ondo definitzen, eta zehatzagoa litzateke desobedientzia edo ez kolaboratzea.
Politika hitza zentzu zabalean ulertu behar da, ez zentzu instituzionala edo alderdiena. Gizartean inziditu nahi dugu.
Erradukala eta alternatiboa. Gure borroka ez doa azalezko gauzetara sustraietara baino. Militarismoaren kontra goaz, eta honek ezartzen dituen gizamoldeak alhatzera, bere estruktura ideologikoa eta ekonomikoa.
A.– Orain kanpaina berri bati ekin diozue, Fiskal Objezioa. Zertan da kanpaina hau?
MOC.– Hau lotuta doa lehen esan dugunarekin, hau da, objezioa zentzu politiko eta zabalean ulertutakoa. Urtero jendeak bere Errentaren Gaineko Aitorpena egin behar du. Ordaintzen duenetik ehuneko handia (iaz %10.12) militar presupostuetara doa. Jarrera honekin gure ez.adostasuna erakutsi nahi dugu. Guk ez dugu kolaboratu nahi.
Egun sektore sozial ugari miseria gorrian, analfabetismo edo deselikapenean bizi da, eta bitartean, urri diren errekurtso ekonomikoak armagintzan gastatzen dituzte.
Koerenteena objezioa egitea da. Ordaindu behar dugunagatik gastu militarrera doana kendu eta beste gastu sozialetan sartu.
Hau orain dela hiru urte edo hasi zen egiten, eta aurten, aterako den diruarekin bi projektu bultzatu nahi ditugu, bere balioa eta efektibotasuna erakusteko, alternatiba bat eskainiz bide batez. Bata eskola bat eraikitzea da Managua ondoan, eta bestea kooperatiba bat Marinaledan (Sevilla).
Erantzun ona izango dela uste dugu, alde batetik gure ukapena adierazteko, eta bestetik, gure diruaren kontrola eta gestioa guk geuk egiten dugulako.
JOSU
32-33

GaiezGizarteaSoldaduzkaItsumisioaTaldeakKEM

Andaluzia

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

"Nire burua duela 20 urte bezain indartsu ikusten dut"

Euskalerria irratia | Miren Mindegia

Lurra taupaka hasiko da

Estitxu Eizagirre

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

"Zenbat dugun kontatzeko!" Euskal Herriko mapa sortu dute

Euskal Irratiak

“Maite dut Iparraldean antzerkia egitea, uste baitut hemen kodeak ulertzen direla”

Gorka Peñagarikano Goikoetxea

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude