“Hausnarketarako eta eztabaidarako gunea izan nahi du” Zigi Zagak, “bizi gaituen esfera publikoari bere aletxoa ekarri nahi diona”, bultzatzaileen esanetan. “Sareko aldizkari forma badu ere, haratago joan nahi du, eta komunitatea gorpuzteko ahalegina da, leku bat emateko”.
Aste honetan publikatu dute lehenbiziko zenbakia. Arantza Santesteban zinemagilea izan da lehen alearen editorea eta apokalipsiaren gaia ardatz hartuta, zenbait testu eta sorkuntza lan jarri ditu elkarrizketan.
Izen hauek daude lehen zenbakiko egileen artean: Ingrid Guardiola, Agustin Arrieta, Arrate Hidalgo, Nader Koochaki, Uxue Arzelus, Mikel Pejenaute, Jean-Gabriel Périot, Ernesto Cardenal, Xabi Borda eta Susan Sontag. Kasu batzuetan, argitalpen honetarako sortutako lanak dira; beste batzuetan berriz, gaiarekin lotura duten eta orain arte euskarara itzuli gabe zeuden testuak ekarri dituzte –Sontagen 1974ko Faxismo liluragarria ezaguna, adibidez, Amaia Apalauzak eta Danele Sarriugartek euskaratua–.
Dinamoa.eus atarian irakur daiteke egileon ekarpena: aldizkari osoa PDFan deskargatu daiteke edo artikuluak banaka kontsultatu. Gainera, proiektua aurkezten duen podcast bat ere sareratu dute, Santestebanen eta Xabier Gantzarainen azalpenak jasotzen dituena.
Urtean bi zenbaki argitaratuko ditu Zigi Zagak, hurrengoa urtearen bukaeran publikatuko dela iragarri dute. Egitasmoa gauzatu ahal izateko, Eremuak programaren diru-laguntza izan du Dinamoak.
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru... [+]
Apirilaren 30ean, Espainiako patronala den CEOEk argazki horixe zintzilikatu zuen sareetan: ezkerrean dago Antonio Garamendi, CEOEko presidente den Getxoko semea; eta eskuinean Alfonso Santiago bilbotarra, musika festibalen munduan dabilen Last Tour promotorako burua, Eusko... [+]
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Oihane Jakaren poema liburua ireki eta eskaintza bi aurkituko ditugu. Aitari bata, seme-alabei bestea. Aipagarria da, topatuko ditugun poemekin lotura zuzena baitute.
Liburuaren egiturak hiru atal ditu: Hamaika urte, Hamaika hilabete eta Hamaika egun. Hamaika zenbakia asko... [+]