Oletan ere ez! eta Señu Bizirik! kolektiboek Mendietan zentral eolikorik ez! lelopean manifestazioa egin dute larunbatean Azpeitian. Ehunka pertsonak hartu dute parte . Eusko Jaurlaritzak enpresa handi eta oligopolioei ateak zabaltzea salatu dute. Era berean, lur "galera etengabea" dela adierazi dute, eta Oleta mendiko proiektua Gune Babestu izendatzea eskatu.
Mendietan zentral eolikorik ez! lelopean egin dute manifestazioa larunbatean Azpeitian. Oletan ere ez! eta Sañu bizirik! kolektiboek zentral eolikoen aurka deitutako eskualdeko manifestazioan 700 pertsona baino gehiagok parte hartu dute, antolatzaileen esanetan.
Azpeitiko lurretan haize orratzak jarri nahi dituzten Capital Energy eta Statkraft enpresen aurka agertu dira, eta Eusko Jaurlaritzak enpresa handi eta oligopolioei ateak zabaltzea salatu dute: "EAJK zein EH Bilduk, Madrilen, Gobernu espainiarrarekin batera, Ingurumen azterketak saihesteko, natura zapaltzeko eta mendiak suntsitzeko egon litezkeen traba guztiak ekiditeko legeen alde bozkatu dute".
Era berean, adierazi dute ez dela basorik geratzen eta lur "galera etengabea" dela. "Berriztagarriak jartzearen aldeko apustua egin beharko da, baina garbi daukagu ahalik eta kalte gutxien eragingo duten lekuetan izan behar duela", adierazi dute taldeek oharrean.
Argi utzi dute ez direla "komunikabideek saldu nahi duten" eolikoen kontrako taldeak: "Benetako trantsizio energetikoan sinesten dugu, erpin guztiak kontuan hartuko dituena. Landa lurrak landatzeko utzi eta benetan beharrezko jotzen diren azpiegitura berriztagarriak, artifizializatutako edo degradatutako lurretan kokatuko dituena".
Zumarragako Oleta mendiko Buruzai proiektua da une honetan aurreratuena doana. Taldeek dei zuzena egin dute "berandu baino lehen" ingurunea Gune Babestu izendatzera.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Laborantza ekologikoa sustatzen duen Biolur elkarteak Amillubi proiektua abiatu du, Gipuzkoan toki estrategikoan kokatua dagoen Amilibia baserria eta bere bederatzi hektarea lurrak kolektibizatzeko. Maiatzaren 11n festa egin dute Amillubin: herritarrek proiektua bertan arnastu... [+]