Zarauzko Udalak bazuen asteburuko festaren berri

  • Hala adierazi dio izenik eman nahi izan ez duen ertzain batek Berria egunkariari. Uztailaren 8koa ez, baina asteburuko festa bazetorrela bazekien Ertzaintzak eta Udaltzaingoak, eta “Udalak ez zuen ezer egin eragozteko”, dio ertzainak.


2020ko uztailaren 21an - 12:17
Zarauzko malekoiko taberna giroan bildu ziren gazteak parrandarako. Argazkia: Urola Kostako Hitza.

Uztailaren 8an, selektibitate ondorengo festan bildu ziren 1.500-2.000 gazte Zarauzko malekoian, taberna gunean. Ertzainak dio ezustean harrapatu zituela jaiak, eta Ertzaintzak eta udaltzainek kanporatu zituztela gazteak. Horren ondoren, astebururako jaia antolatuta zegoela jakitun ziren Ertzaintza eta udaltzainak eta Berria-rekin hitz egin duen ertzainak dio Ertzaintzak operatiboa prestatuta zuela.

Ertzainak dio Zarauzko Udalak eragotz zezakeela festa. Eibartik, Elgoibartik, Debatik, Mendarotik eta beste hainbat tokitatik autobusak eta trenak baliatu zituzten Zarautza joateko. Jendea jai gunetik kanporatzea ia ezinezkoa egin zitzaiela dio ertzainak eta goizeko seiak arte tabernak irekita egon zirela. Udalak 3:00ak arteko muga ezarria zuen tabernetan eta ondoren Eusko Jaurlaritzak muga 23:00etan jarri zuen. Ertzainak Berria-ri esan dio udala tabernak 6:30ak arte irekita mantentzen saiatu zela, baina Jaurlaritzak agindua betearazi duela. Ertzainak herriaren ezaugarri nagusia ekarri du gogora: “Badakigu zer dagoen Zarautzen: turismoa eta… Denak segitu behar du horrela”.

Berria egunkariak adierazi du Udalak ez dituela haren galderak erantzun, gai horretaz aritua dela argudiatuta.

Zarautzen 2.700 test inguru egin dituzte, Gipuzkoako foku nagusietako bat bihurtu ondoren. 80 pertsonak positibo eman dute PCR proban. Udalak dio ez dela kutsatze komunitariorik izan Zarautzen, ezta berragerraldirik ere.

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude