Xi Jinping Moskun
Bakoitzak jakingo du zergatik, baina mundu guztiak ziurtzat ematen du ez dela ohiko bisitaldi zeremoniatsu horietako bat. Agintean urte dezente daramatzaten beste agintari askoren kasuan bezala, Putin eta Xi hamaikagarren aldiz aurkituko diren arren aurrez aurre, badu zerbait berezia bizpahiru egunez Txinako agintari gorena Moskura egiten ari den bisitaldiak. Batzuen ustez, Ukrainako gerran Putin pairatzen arituko litzatekeen estutasunetan legoke esplikabide nagusia. Beste batzuentzat, ildo bertsuan bederen, Txinak arestian mahairatu duen bake-planaren prismarekin begiratu beharreko zerbait litzateke.
Mundua, eta haren baitako gorabehera nagusiak ere, Europa edota Mendebaldea baino haragoko zerbait izan litezkeela berrestea lagungarri izan daiteke gandu kognitiboa altxatzen laguntzeko. Beraz, Ukrainako krisia, ziur, mahai gainean izango bada ere, beste gai asko eta askotarikoak izango dira hizpide Moskun. Besteak beste, dozena bat itun sinatuko direlako alde bien artean egun hauetan. Aspalditik negoziatzen aritu ondoren. Ekonomiarekin zerikusia dutenak, gehienbat; baina beste hainbat alorretakoak ere bai. Eta jendaurrean osorik ezagutzera emango ez direnak, batzuk.
Berez, bisitaldiaren benetako berezitasuna –"estatu-bisitaldia" izateko agendari ezarri zaion ezohiko lastertasun eta soiltasunaz harago– izango litzateke txinatarren aldetik aurretiaz eman zaion arrandia. Batere ohikoa ez dena: hedabide ofizial eta paraofizial guztiek aintzatu dute bilkura aldez aurretik.
Adostu beharrekoak adostuta dauden seinale. Baina, baita ere, 1949-50ean Mao eta Stalinen artean, 1958-59an Mao eta Khrustxoven artean, eta 1989an Deng eta Gorbatxoven artean egindako goi-bilera erabakigarrietan ez bezala, alderdi txinatarra ase eta gustura dagoela adieraziko luke horrek.
Izan ere, une honetan, Beijingeko agintearen lehen ardura diplomatikoa, Estatu Batuetatik espero duten "gerra ekonomikoari" aurre egitea da. Baliabide propioak azkenetaraino landuz eta aliantzak kate motzean lotuz, hiru alor nagusitan, gutxienez: energia, elikadura eta teknologia. Horietako lehen bietan, Errusiaren ekarpena erabakigarria izan daiteke; eta ez litzateke beste garai batzuetan bezain erraza izango halako aliantza bat haustea.
Ildo bertsuan, Moskuko bilkurak, XX. Kongresuaren ondotik berrantolatu den kanpo harremanetako lantalde txinatarraren egitura azaleratu behar du. Jendaurreko adierazpen eta komunikatuek baino argiago hitz egin dezake Xiren segizioaren osaerak.
Beraz, ez da izango, ez, ezer ez eta festa.
Akordioa asteazkenean sartuko da indarrean. Haren ondorioz, AEBek %30eraino jaitsiko die ordaindu beharreko muga zerga produktu txinatarrei, eta Txinak %10eraino estatubatuarrei.
Txinako Shanxi probintzian, Tang dinastiako hilobi batean, hildakoen eguneroko bizitzako eszenak irudikatzen dituzten pinturak topatu dituzte. Eszena horietako batean gizonezko ilehori bat agertzen da. Ilearen koloreari eta aurpegierari erreparatuta, hilobia aztertu duten... [+]
Yanis Varoufakis-ek DiEM25 mugimenduaren Youtubeko kanalean elkarrizketatu du Columbiako Unibertsitateko Jeffrey Sachs irakaslea. Horrek azaldu du nazioarteko politikan Amerikako Estatu Batuek pokerrean jokatzen dutela, Errusiak xakean eta txinatarrek Go jokoan. Azken hori... [+]
Iradokitzailea delakoan edo, muga-zergen gatazkaren harira norbaitek berriro zirkulazioan jarri duen Maoren 1953ko bideoaren garai hartakoa da milioi bat igerilariren txantxa. Alegia, orain harekin bat egiten omen duen Xi Jinping jaio zen urtekoa.
2021etik 2025era isuriak %15ean murriztu behar zituen industriak. Ursula Von Der Leyenek automobilgintzaren sektorearen eskutik ekintza plan bat aurkeztuko du martxoaren 5ean. Oraindik erabakia hartua ez badago ere, Europar Batasunak sektorearen eskaerak onartuko dituela diote... [+]
Silicon Valley-ko oligarkia AEBetako gobernura iritsi berritan lehertu da adimen artifizialaren (AA) burbuila. Txip aurreratuen erraldoia den Nvidia-k urtarrilaren amaieran izandako %16,8ko balio galera, egun bakar batean inoiz izan den burtsa balio galerarik handiena da... [+]
Otsailaren 17an Txinako Alderdi Komunistaren arduradun gorenak bildu ziren bertako enpresa pribatu handienen zuzendari nagusiekin. Ez da ohikoa aldi eta areto berberean Huawei, BYD, New Hope, Tencent, SWSC, Yushu, Xiaomi edo DeepSeek bezalako konpainien nagusi gorenak bilduta... [+]
Bi herrialdeekin arma nuklearrei buruz hitz egin nahi du AEBko lehendakari Donald Trumpek, ostegun honetan bere bulegoan kazetariei jakinarazi dienez.
Iazko azken hatsean Txinako gobernuak Yarlung Zangbo ibaiaren behe-arroan proiektu hidroelektriko handia abian jarriko duela iragarri izanak, urak harrotu ez, sutan jarri dituela dirudi gure artean. Esan dezakegu alarmaren eskala osoa kurritu dutela iruzkinek: munduko handiena... [+]
Donald Trumpek agindutako muga-zergak indarrean sartu dira: Kanadak eta Mexikok %25ekoak izango dituzte eta Txinak %10ekoa. Kanadak zifra bereko arantzelekin erantzungo du. Mexikok arbuiatu du AEBko Gobernuak esan izana organizazio kriminalekin loturak dituela herrialde horrek... [+]
ChatGPT ez da dagoeneko "hainbesterako". Lehiakide biziago, eskuragarriago eta merkeago bat jarri zaio parean AEBetako eta mundu mailako liderrari: enpresa txinatar baten eskutik ikusi du argia DeepSeekek. Dantzan jarri da mundua, eta ez espresuki onerako. Mikrotxipen... [+]
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
2018ko martxoaren lehena zen, bere lehen agintaldiaren lehen laurdena burututa, Donald Trumpek pentsaera politiko-ekonomikoaren lagin gardenena utzi zigunean: “Merkataritza-gerrak onak dira, eta irabazten errazak”. Orduantxe abian jartzear zituen altzairu eta... [+]
Ipar hemisferioan ikasturtea hastearekin batera izan ohi den albiste-zaparradan argitaratu zen duela astetxo batzuk: aspaldiko urteetan ez bezala, txinatar jatorriko ikasleak (275 milatik gora) ez dira jada ugarienak Estatu Batuetako unibertsitateetako atzerriko ikaslerian;... [+]