Urruña eta Segurako udalek ofizialdu egin dituzte herritarrek sortutako zubiak
Herritarrengandik sortu eta hiru hamarkadaz eraikitako harremanaren ondotik, Hego Lapurdi eta Goierriko bi herri hauen arteko senidetze edo birazkatze ofiziala egin dute igandean Urruñako plazan. 30 urteko mugarri, egun «historikotzat» jo dute Filipe Aramendi eta Izarra Urdalleta auzapezek, eta gazteek ere harremana bereganatu eta sakontzen jarrai dezaten deia egin dute.
Duela 30 urte ezagutzen dutela elkar, Baztandarren Biltzarrean herritar talde batek topo egin eta ezagutu ziren kantu eta txarangaren bitartez, Urruña, Azkain eta Segurako jende multzo bat. Urte berean Altsasun ospatu zen Nafarroa Oinezen ere elkartu ziren kantuan. Eta Iparra-Hegoa bizpahiru urte beranduago sortu bazen, Urruñako Berttoli eta Segurako Elorri elkarteek Iparra-Hego kultur astea sortu zuten. Orduz geroztik, urtero martxoa inguruan gai baten inguruan elkartu eta euskara oinarri hartuta, programazio kulturala antolatzen dute.
Baina herritik sortua, erakunde publikoek ofizialdu dute Hego Lapurdi eta Goierriko bi herri hauen arteko harremana (ikusi hemen egunaren bideo erreportajea). Izarra Urdalleta eta Filipe Aramendi, Segura eta Urruñako auzapezek emandako pausoa «historikotzat» jo dute, eta etorkizunean bi herrien arteko harremanak arlo desberdinetara zabalduko direla azpimarratu dute.
Besta giroan, Urruña eta Segurako udalek, bi herrien arteko senidetzea ofiziala egin dute. Elkarkidetza honek, hiru hamarkada ditu jada, Iparra-Hegoa kultur astea da horren adierazle nagusia. Izarra Urdalleta Segurako auzapezaren esanetan, binazkatze honek bi herrien arteko elkarlana azkartuko du. «Historia egingo duen eguna da gaurkoa, herritarrek beraiek hauspotu duten ekimena, herritik sortu den heinean, bere xarma eta indarra du. Eta 30 urtez sortu eta mantendu bada euskara eta kulturaren bidez, bultzatzen jarraitu beharra dago», aldarrikatu du Urdalletak.
Hala ere, 30 urteko ibilbidea ofizialdu bada, mugarri bat besterik ez dela oroitarazi nahi izan du Filipe Aramendik Urruñako auzapezak. «Gaurko eguna ez da helmuga, pauso bat gehiago emaiten da, baina birazkatze hori biziko da belaunaldi berriek bereganatu eta aitzinat eramango duten heinean», ohartarazi du, herriko gazteei segida ematera animatuz.
Horiek hala, elkarlan horri segida ematea espero dute euskara eta kulturaren bidetik ez ezik, bi herrietako kirol elkarteen artean edota beste arlo batzuetan ere, elkar ezagutza bultzatu eta proiektuak garatuz. Mementukotz, azken hiru hamarkadatan egindako lanaren haritik, hitzordu finkoa den Iparra-Hegoa aste kulturalaren ekitaldi berria prestatzen hasi dira. 2025eko martxoaren 24tik 31era iragango dela iragarri dute.
Igandean hontako ekitaldian, Segura eta Urruñako bizilagunak pozik eta ilusio handiarekin ospatu zuten senidetzearen ofizialtasuna.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko urrian Nafarroako Justizia Auzitegiak bertan behera utzi... [+]
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Eta, honekin bai, honekin amaitu da Donostiako Aste Nagusia! Piratei aste bete motz geratzen zaiela eta, egun bat gehitzen diote Aste Nagusiari. Aurten hogeigarren urtez jarraian egin dute Irrikitaldia.