aurre egingo dieten hedabide independenteak
Ez da lehenengo aldia, aditua izan ei naiz kontraesanetan. Oreka, baietzaren eta ezetzaren arteko muga non marraz daitekeen bilatzen. Analisi topografikoa, neurriz neurri morala triangelatzen. Tatuaje erraldoia bekokian: Bai, baina… Erabaki batera iristeko, inoiz nire belaunaldiko batek eman duen iritzi biejunoena aitortzeko: ez dut gustuko adimen artifiziala.
Are gehiago: gorroto dut, ezin dut jasan, agortzen nau, oinazea sentiarazten dit, urduritzen nau, higuina diot… Benetan. Pun, bonba. Sega-potoa hartu eta sartzen naizen tokian sartzen naizela ere, bertan topatu egiten dut. Lagunekin mintzo naizenean, klasekideekin, lankideekin, baita familiarekin ere. Hemendik aurrera garagardoak ere AA batek zerbitzatuko ditu.
Ni neu ez nago oso harro zure osaba pedantearen iritzi bera edukitzeaz, baina tira, honi ere aukera bat eman behar zitzaion
Zintzoa banaiz, ezin dezaket uka saiatu naizenik. Behin. Birritan. Hamaika bider. Eta nire tesia babestera besterik ez nau eraman harreman horrek. Zentzugabekeriak, bata bestearen atzetik, inoiz okurritu zaizun ondorio epelenera heltzeko. Tartean, publizitaterako eta propagandarako tartea ere badago, eta trukean zure datu denak oparitzen dizkiozu ez-dakit-nori ez-dakit-zertarako.
Gainera, bada nigan bizi den munstrotxo konspiranoiko bat, zera galdetzen duena: nork kaleratu du horrelako makinatzar bat? Zertarako? Ez da jendearen ongizaterako, esan gabe doa. Nire apustua zera da: tontotze makina sekulakoa, jendeak segundo batez sikiera pentsatzea ekiditen duena. Interneteko bilatzaileetan bazegoen, behintzat, hamar segundoko hausnarketatxo bat egitea eta pentsatzea, akaso, telacuelo.net atariak ateratzen dituen berriak ez direla fidatzeko modukoak.
Hori dena gutxi bailitzan, geroz eta ohikoagoa da kontsumitzen dugun kulturan adimen artifizialez sortutako artea. Bueno, artea denentz eztabaida luze eta potoloegia da dimentsio honetako deklarazio baterako, baina bai ohikoak direla tresna horren bitartez sorturiko ilustrazio, testu, bideoak… Gehienetan nahiko nahasgarriak, egia esan. Inolako arimarik ez duten sorkuntzak, ikusi bezain azkar ahanzteko sortuak. Zertarako eta ezertarako ere ez, eta intentzionalitate gabe sortzen den guztia bezala anekdota funtsbako bilakatzen da.
Begira, hau ez da lezio moralen dekalogoa, ezta inondik inora ere. Gonbita da, gelditzekoa. Ordu erdian egin daitekeen lanari ordu erdi dedikatzekoa, bost orrialdeko testu aspergarri horri aukera bakan bat ematekoa, arroz-esnea nola egiten den gurasoei galdetzekoa. Ni neu ez nago oso harro zure osaba pedantearen iritzi bera edukitzeaz, baina tira, honi ere aukera bat eman behar zitzaion.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Donostia arpilatua, bortxatua eta propio erreta Espainiako independentziaren alde 1813ko abuztuaren 31n.
1808an Napoleon enperadoreak Baionan bildu zituen elkarren aurka borrokatzen ari ziren Espainiako errege aita-seme borboiak, Carlos IV.a eta Fernando VII.a, biek nahi... [+]
Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]
Euskararen (euskaldunon) aurkako oldarraldiak ertz ugari ditu; horietako bat fronte mediatikoa da, Voxento taldea buru eta PSOE-CCOO-UGTko kide ezagunak ekintzaile nagusi. Sarri eskaintzen digute idatziren bat, barnera dezagun Euskal Herriko hizkuntza ofizialetatik zein diren... [+]
Hamar minutu igaro dira lur hartu dugunetik. Bizkaiko kostatik sartu, Leioa gainetik igaro eta gurpilek ordeztu dituzte hegalak Loiun. Bosteko ilaretan irten behar omen da hegazkinetik eta gu hogeita zazpigarrenean gaude zain. Estatubatuarren ikerlanek diote istripu bat egonez... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]