Umeen kontrako indarkeriaren "zigorgabetasuna" salatu dute 800 lagunek Algortan

  • Zortziehun bat pertsonak eman zion atxikimendua igandean Haurren Kontrako Indarkeriarik Ez! plataformak Algortan antolatutako manifestazioari, esparru horretan dagoen zigorgabetasuna salatzeko.

Hiruka .eus
2018ko ekainaren 26a
Ehunka lagun bildu dira umeen kontrako indarkeriaren kontra // Hiruka

Plataformaren ekimena babestu dute 24 elkarte feministak eta dozenaka eragile gehiagok. Denek salatu dute umeen kontrako indarkeria patriarkala eta "babes osoa" agertu diete eraso dituzten umeei. Manifestarien ahotan ere, "txikitxo, nik sinesten dizut" izan zen oihurik entzunenetako bat igandean.

Hala, erasotzaileen "zigorgabetasun izugarria" agerian uztea izan zen igandeko martxaren beste helburuetako bat: "batetik jendarteak errealitate horri aurrez aurre begiratzen ez diolako eta, bestetik, eta bereziki, epaitegietan adingabeak euren erasotzaileen esku uzten dituztelako". Antolatzaileek oroitarazi zutenez, sexu-gehiegikeriei dagokionez, eguneroko errealitate lazgarria dira: Haurren Kontrako Indarkeriarik Ez plataformak ohartarazi zuen lau neskatiletatik batek sexu-abusuak jasaten dituela 13 urte bete aurretik, eta egoera bera bizi dutela zazpi mutikotatik batek. Kasu horien %90etan, erasotzaileak familia barruko gizonezkoak direla azaldu zuten. 2010ean Europako Kontseiluak berak Bostik Bat kanpaina abiatu zuela gogora ekarri zuten.

Igandeko ekimenaren bidez, plataformak apurtu gura izan du umeen abusuak "etxean gelditzeko kontuak" direneko ideiagaz: "Ez ditugu umeak bakarrik utziko", agindu zuten, "nahiz eta ikusten den legez, kasurik gehienetan salatzeko gai izan ez direnean". Izan ere, umeek jasandako sexu-abusuengatik aurkezten diren salaketen %90 ez da ahozko epaiketara heltzen. Plataformaren esanetan, kasu askotan salaketak artxibatzen dira Justizia-administrazioak neska-mutilen testigantzari sinesgarritasuna ukatzeko joera duelako eta epaileek ez dituztelako errespetatzen perituen, forentseen eta zerbitzu sozialetako langileen lekukotasunak eta balorazioak: "Langile profesionalak daude sare publikoan eta aintzakotzat hartu behar dituzte, froga-balio berezia behar lukete. Epaileak epai dezala, baina balorazioa adituen esku uzteko obligazioa du", oroitarazi dute. gaur egun horrela ez denez, faltsuan itxitako kasuak berrirekitzea exijitu du plataformak.

Antolatzaileek salatu dutenez, indarkeria horren gotorleku nagusia da patriarkatuaren oinarria den familia nuklearra. Gehienetan, familia eredu hori eta bere inguruko sarea dira umeen aurkako indarkeria isildu horren "babesleku". Gainera, igandean salatu zutenez, neska-mutilek oso txikitatik bizi dute biktima berriro izatea: "Ez dituzte sinesten, euren berbak ez dituzte aintzat hartzen, ez du ezertarako balio izaten sufritu dutena adieraztea, berba eginez, irudiak eginez, behin eta berriz kontatzera behartuta badaude ere". Nahiz eta perituek babestu, auzien %90 bat artxibatzen dute, eta beste %10eko kasu askotan erasotzailea absolbitzen dute, Haurren Kontrako Indarkeriarik Ez! plataformaren arabera.

Umeak ez dira Justiziak sinesten ez dituen bakarrak. Salaketa gehienetan amek ipintzen dute eta euren berba zalantzan jartzen da, "sistema judizialaren egitura patriarkala dela eta". Seme-alabak manipulatu dituela edo gezurra esan duela leporatuta, seme-alaben zaintza kentzeraino prozesuak abiatzen direla gogoratu zuten igandekoan.

Albiste hau Hirukak argitaratu du CC-By-SA lizentziari esker ekarri dugu ARGIAra. Bertan gaiari buruzko informazio gehiago topatuko duzu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Feminismoa  |  Indarkeria matxista  |  Getxo

Feminismoa kanaletik interesatuko zaizu...
2019-02-17 | Amaia Lekunberri
Brigitte Vasallo
"Nahikoa da, utzi maitasun erromantikoaren propaganda egiteari"

“Lagunak baino ez gara” esaldiaren gisakoak adibidetzat, monogamia harremanak hierarkizatzen dituen sistema piramidala dela defendatzera dator Brigitte Vasallo (Bartzelona, 1973) bere azken argitalpenarekin. Oveja Roja argitaletxearekin Pensamiento monógamo, terror poliamoroso (Pentsamendu monogamoa, polimaitasun terrorea) saiakera aurkeztu berri du idazle eta ekintzaile feministak. Monogamiaz, polimaitasunaren desbideraketa neoliberalaz eta harremantzeko paradigma berrien... [+]


Bizkaiko egoitzetako greba, 2016-2017
Zergatik izan zen hura borroka feminista

2016ko martxoan hasi zen. Ia bi urtez luzatuko zen borroka, 378 egun greban. Bizkaiko zaharren egoitzetako langileak kokoteraino zeuden. Ia langile guztiak emakumeak ziren, zaintza lanak egiten dituzten gerokultoreak, lan baldintza kaskarretan. Ustekaberik ez, zaintza beti bezala emakumeen ardurapean, ordainik gabe edo gaizki ordainduta. Bosgarren hitzarmena sinatzea garaipena izan zen, baina borroka hark lan baldintzak hobetzea baino dezentez gehiago lortu zuen: emakumeak ahaldundu ziren,... [+]


Minbizia
Zer den heriotza aurrean izatea

Bizitza amaitu egiten da, baina inork ez gaitu pentsamendu horretan hezi. Urruti dagoen zerbait da, besteen kontua... zure azalean bizitzea tokatzen zaizun arte.


Zortzi emakume kementsu ezagutu ditut

ELA sindikatuak Argia komunikazio proiektuari liburua elkarlanean argitaratzea proposatu zion 2017ko hondarrean. Bizkaiko egoitza pribatuetako langileek 378 egun greban egin zituzten. Ia bi urtez luzatu zen borroka luze eta gogorra, eta irabazi egin zuten. Sindikatuak Argiako kazetariren batek idaztea nahi zuen. Erredakzioan niri eskaini zidaten gozokia eta nik oparia gustura asko hartu.


2019-02-14 | ARGIA
'Berdea da more berria' liburua aurkeztuko du ARGIAk otsailaren 20an

"Berdea da more berria. Bizkaiko egoitzetako grebalarien testigantzak” liburua ELA sindikatuaren Manu Robles-Arangiz Institutuak eta ARGIAk elkarlanean egin dugu. Onintza Irureta Azkune da egilea eta hitzaurrea Irantzu Varela Urrestizalak idatzi du. Otsailaren 20an, Bilboko Bira Kultur Gunean aurkeztuko dugu, 19:00etan.


2019-02-14 | Amaia Lekunberri
'Zauria(k)' dokumentalaren aurkezpen birari ekingo diote ostegunean

Ostegunean, Hego Euskal Herrian zehar egingo duten aurkezpen birari hasiera emanez, Iruñeko Katakrak-en jarriko dute dokumentala lehen aldiz ikusgai. Lanak ondoeza psikosozialak eta genero bizipenak uztartzen ditu, buru osasunaren gaia ikuspegi feministatik landuz.


"Irungo emakumeak plazara!" dokumentalaren estreinaldia eta paseo historikoa antolatu dituzte

Garaiko talde onenetan aritutako emakume futbolaria, lan baldintza duinak eskatzeko altxatu ziren poxpolo-egileak, emakumeek ikasi ahal izateko borroka egin zuen irundarra, Irun-Donostiako joan-etorria oinez egiten zuten mandatugileak... lehen planora ekarri ditu Irungo emakumeak plazara! dokumentalak (behean trailerra). Ibilaldi gidatua ere antolatu dute hirian barna.


2019-02-13 | ARGIA
Multinazionalen edertasun-kanona eta eragiten duten prekarietatea salatu ditu Ernaik Bilbon

Ernaiko zenbait kidek arropa erantzita multinazionalen edertasun-kanonaren kontrako ekintza egin dute Bilbon.


Martxoak 8ko greba feministarako dossierra
MULTIMEDIA - erreportajea

Euskal Herrian greba feminista antolatzeko sortutako koordinazio taldeak eta beste hainbat kolektibok Martxoak 8ko grebarako dossierra osatu dute. Greban parte hartzeko moduak, deialdiaren arrazoiak, zein plazaratu nahi dituzten aldarrikapenak puntuz puntu biltzen ditu txostenak. Horrez gain, Euskal Herrian emakumeek bizi duten egoeraren inguruko diagnosi bat ere egin dute. Aurten, zaintzari eman nahi diote zentralitatea, zaintza lanetan zapalkuntza sistema guztiak gurutzatzen direla ikusten... [+]


Josebe Iturrioz
"Ez dakit gizonezkoa ala emakumezkoa naizen eta ez dakit nahi diodan galdera horri erantzun itxia eman"

Plazandreok plataforman hasi zuen ibilbide politikoa eta 2000. urtean Medeak talde transfeminisa sortu zuen, beste kide batzuekin batera.


Azkenak
EGILEA
Eguneraketa berriak daude