600.000 milioi euro inbertitu ezean, %35eko muga zergak jarriko dizkio Trumpek Europako Batasunari
Von der Leyenek eta Trumpek akordioa lortu eta astebetera egin du mehatxua AEBetako presidenteak, Europako herrialdeek hitzartutakoa beteko ez dutela kezkatuta. Europako produktuei %15eko muga zergak ipintzeaz gain, Europako Batasunak AEBetan 600.000 milioi euro gehiago inbertitzea adostu zuten, besteak beste. Bestalde, Steve Witkoff AEBetako Ekialde Hurbilerako eta Errusiarako ordezkaria Errusiako ordezkariekin biltzekoa da asteazkenean eta ostegunean, Ukrainako su-eten akordioaz mintzatzeko.
aurre egingo dieten hedabide independenteak
Muga zergen harira EB Europako Batasunak eta AEBek izandako liskarra behin betiko amaitu zela zirudien joan den astean, Eskozian egindako bileran Ursula von der Leyen Europako Batzordeko presidenteak eta Donald Trump AEBetako presidenteak Europako produktuei %15eko muga zergak ipintzea adostu zutenean. Bada, hitzarmena sinatu eta astebetera, Trumpek asteartean mehatxu egin du muga zergen ehuneko hori %35era igoko duela, EBko herrialdeek AEBetan "inbertsio estrategikoetan" 600.000 milioi euro inbertitu ezean, akordioan hitzartutakoari jarraiki. Horrez gain, hitzarmenaren arabera, datozen hiru urteetan Europak 750.000 milioi euroko gastua egingo du AEBei energia erosten.
CNBC telebista katean eginiko elkarrizketa batean, Europako hainbat herrialde akordioaz kexatu direla galdetuta, Trumpek zera adierazi du: "AEBetan inbertitu ezean, %35eko muga zergak ipiniko dizkiegu [Europako produktuei]". Gainera, elkarrizketa berean Etxe Zuriko maizterrak Europako farmazia produktuekin hurrengo urteetan dituen asmoak jakitera eman ditu: "Hasieran muga zerga baxuak ipiniko dizkiet, baina urtebetera edo urte eta erdira %150era igoko dira; eta, azkenik, %250era. Farmazia produktuak AEBetan ekoiztea nahi dugu".
AEBek mundu osoko herrialdeei ezarritako muga zergak ostegunean sartuko dira indarrean, eta dirudienez ez dira amaitu Trumpen eta Europaren arteko desadostasunak, Eskozian eginiko bileraren ondoren Von der Leyenek akordioa "garaipen" gisa saldu bazuen ere. Izan ere, Trumpen aurrean belarriak jaitsi ditu Europak, akordioa iragarri ondoren jakin baitzen armagintzan Europak AEBei "ehunka milioi euroko erosketak" egingo dizkiela, Trumpen esanetan. Horrez gain, aluminioa eta altzairua salbuespen gisa markatu ditu Etxe Zuriko maizterrak, eta %15ekoa beharrean, %50eko muga zergak ipiniko dizkie.
Witkoff Errusiako ordezkariekin biltzekoa da asteazkenean eta ostegunean
Europako Batasunarekin muga zergen ehunekoa adosteaz gain, joan den astean Trumpek zera ohartarazi zion Vladimir Putin Errusiako presidenteari: hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Epe hori amaitzear dela, astelehen goizaldean eginiko prentsaurreko batean AEBetako presidenteak iragarri zuen gobernuko Ekialde Hurbilerako eta Errusiarako ordezkari Steve Witkoff Errusian izatekoa dela asteazkenean eta ostegunean, hango ordezkariekin biltzeko.
Azken hilabeteetan, Errusiako eta Ukrainako ordezkariak hiru bider bildu dira aurrez aurre Istanbulen: maiatzaren 16an, ekainaren 2an eta uztailaren 23an. Hiru aldi horietan, ordea, ez dira bileran izan ez Putin ez Volodimir Zelenski Ukrainako presidentea. Halere, Moskuren bozeramaile Dmitri Peskovek astelehenean telefono bidez eman ohi duen prentsaurrekoan adierazi zuen Putin prest dagoela Zelenskirekin aurrez aurre biltzeko: "Horretarako, adituek beharrezko lana egin behar dute aldez aurretik".
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
Brasilgo Auzitegi Gorenak eman du sententziaren berri, Bolsonaro oraindik Luiz Inazio da Silva Lula Brasilgo egungo presidentea pozoitu eta Alexandre de Moraes epailea hil nahi izateagatik epaitzen ari diren bitartean. Sare sozialik erabili ezin zuenean,... [+]
Hiroshima eta Nagasakiko masakre nuklearren 80. urtemuga heldu zaigu, eta inoiz baino eskasagoak dira itxaropentsu izateko inputak. Hala ere, No More Hibakusha! aldarrikatzen jarraitu beharko dugu... ordukoei ez ezik geure buruari zor diogulako.
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Bigarren aldiz da El Salvadorko presidente Bukele, konstituzioak legegintzaldi bat baino gehiagoz presidente izatea debekatzen badu ere. Orain, konstituzioa aldatu eta nahi beste aldiz hautatu dezakete presidentea.
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
Euskal diasporaren Boiseko Jaialdiaren testuinguruan, Etxepare Euskal Institutuak eta AEBetako euskal erakunde NABOk euskararen irakaskuntza sustatzeko akordioa sinatu dute. Hori horrela, AEBetako Euskal Etxeek euskara "sustatuko eta trinkotuko" dute, eta Jaurlaritzak... [+]
Kontatzen ez dena ez da existitzen. Oso barneratuta daukagu lelo hori, baita informazioa boterea dela eta eragiteko gaitasun handia duela ere. Are gehiago gerra edo gatazketan, batik bat oraindik tresna digitalak asko garatu gabe zeudenean, informazioa ez baitzegoen hain eskura... [+]
Boliviako ezkerreko militante historikoa da Nila Heredia, bi aldiz Evo Moralesen Osasun ministro izandakoa. Abuztuan hauteskunde orokorrak izango dituzte, eta herrialdearen egoera politikoa aztertu du elkarrizketa honetan.
Field Guide to the Patchy Anthropocene: The New Nature (Adabakien Antropozenoen gida-liburua: Natura berria) liburua frantseseraturik, Atlantikoaren alde honetan dugu Anna Tsing antropologo amerikarra uda hastapen honetan. Antropozenoari –gizakion jarduerengatik Lurrean... [+]