Tafalla, Gares eta Lizarrak sostengu beroa eman diete Altsasuko gazteei
Datorren apirilaren 16an egingo da Altsasuko gazteen aurkako epaiketa Madrilgo Auzitegi Nazionalean eta hori salatzeko Nafarroa osoan bira egiten ari dira atxilotuen senide eta lagunak.
Tafalla, Artaxona, Mendigorria, Gares, Mañeru, Zirauki, Lorka, Villatorta eta Lizarratik iragan da martxa asteburuan, herritarren sostengu zabala bereganatuz. Altsasuko zortzi gazte epaituko dituzte apirilean eta horietako hiru gazte espetxean dira 2016ko udazkenetik, Altsasuko gazte talde batek bi guardia zibil eta hauen bikoteekin festetan liskarra izan zutenetik.
Fiskaltzak 375 urteko espetxe zigorra eskatzen du auzipetuentzat. COVITE biktimen elkarte eta akusazio partikularrari, aldiz, ez zaio nahiko iruditzen eta 400 eskatzen du.
Ahozko auzia Concepción Espegel magistratuak zuzenduko du. Gazteen defentsak eskatu dio Auzitegi Nazionalari ez dadila Espegel izan epaimahiko buru, bere senarra guardia zibila delako eta Guardia Zibilak kondekoratutako epailea ere badelako, baina honek atzera bota du errekusazio eskaera eta Espegel izango da mahai-buru.
Ahotsa.infoko bideoan ikus daiteke biraren bigarren itzulian herritarrek egindako harrera beroa:
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
