Superberriak, BMren frankizia, 28.533 euroko isuna ordaintzera kondenatu dute

  • Epaiaren arabera, jazarpenagatik eta Bilboko Alde Zaharreko denda bateko langile baten osotasun fisiko eta moralerako eskubidea urratzeagatik kondenatu dute.

Artikulu hau CC BY-SA 3.0 lizentziari esker ekarri dugu.

2023ko apirilaren 28an - 07:07
Azken eguneraketa: 09:14
Superberriak kateko langileak greban, 2022an. Argazkia: LAB Sindikatua.

LAB sindikatuak jakinarazi duenez, jazarpenagatik eta langile baten osotasun fisiko eta moralerako eskubidea urratzeagatik 28.533,57 euro ordaintzera kondenatu dute Superberriak, BMren frankizia.

Izan ere, langile batek supermerkatu katearen Bilboko Alde Zaharreko dendako nagusiaren partetik laneko jazarpena jasan zuelakoan salatu zuen. Orain, epaiak dioen arabera, “ez zen portaera episodiko hutsa, baizik eta, duen garrantziagatik, langilearen baliabide psikiko eta psikologikoak urra ditzaketen jarduerak”.

Hain zuzen ere, dendaburuak langileari zehapen neurrigabea eta justifikaziorik gabekoa ezarri zion. Gertakari horiek direla-eta, langilea aldi baterako ezintasun-egoeran egon da, tratamendu psikologikoa jasotzen.

Horrenbestez, Euskal Autonomia Erkidegoko Justizia Auzitegi Nagusiaren Lan Arloko Salak langilearen osotasun fisiko eta moraleko eskubidea urratzen duela adierazi du. Gainera, enpresak langilearen babes-betebeharrak ez betetzeak ere lan-kontratua urratzea ekarri du, horrek dakarren langilearen osasunerako eskubide urraketarekin.

Auzitegi Nagusiak zigor irmoa ezarri dio BM katearen frankiziari: 28.533,67 euroko isuna.


Kanal honetatik interesatuko zaizu: Langile borroka
2024-04-18 | Gedar
Lanuzteei ekin diete berriz Trapagarango Amazonen

Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.


Mecanerreko langileakaz batera mobilizatu dira Bizkaiko 60 enpresa inguru industria-politikan jarrera aldaketa bat eskatzeko

Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]


Arrasaten zama gainera erori zitzaion garraiolaria hil da: "Lan istripuen gorakada gogorra jasaten ari gara"

LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]


50.000 afiliatuko langa gainditu du LABek, mende erdia bete berri

Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.


Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


Eguneraketa berriak daude