Sortu konplexuak merkealditan jarraitzen du
Sortu alderdia, eskuin aldera egindako biraketa berria dela eta, aho zabalik utzi gaitu berriro ere. Irakurri berri dugunaren arabera, oraingo honetan, larriki gaixo dauden euskal preso politikoentzako espetxealdi arindua eskatu egin du. Gehiegizkoa al da aske utzi eta euren etxean suspertzea exijitzea baldin eta, zorte onez, halakorik posible balitz? Posible eta “ezinezko” dikotomiak, nazio eta klase etsaiarentzat onargarria dena aldarrikatzera garamatza.
Konplexua merkealditan dagoela diogu, eta hor dago “Independentistak” taldea, zeinek aurtengo Aberri Egunerako deialdiari uko egin dion, maiatzaren hauteskunde borrokak deialdi bateratua, halabeharrez, kutsatuko lukeelakoan daude-eta.
Gutxienez bi kontu azpimarratu nahi genuke: lehenik, EH Bilduren baitan denak ez direla independentistak (horrez gain, buruzagitzak interesa agertzen du independentzia zaleak ez direnak koaliziora erakartzen). Zer esanik ez dago EAJren egiturari eta beraren gehiengoari dagokienez, modu pribatuan nahiz jendaurrean uko egin baitiote aldarrikapen independentistari!
Bigarrenik, baldin eta hauteskundeek eragina badute egun bateko deialdi bateratuan (konpromisorik gabekoa eta litekeena da biharamunean batek baino gehiagok esandakoari muzin egitea), beherapenak merke baino merkeago daude. Hori dena, batez ere, Espainia eta Frantziari begira, beherapenak beraien eskuinaren, burgesiaren eta kapitalaren mesederako direlako (burgesia eusko-espainiarra ahaztu gabe), hau da, euren sistemari eusten dioten alderdien eta gainerako makuluen mesederako.
Gutxienez bi kontu azpimarratu nahi genuke: bat, EH Bilduren baitan denak ez direla independentistak. Bi, EAJren egiturari eta beraren gehiengoari dagokienez, modu pribatuan nahiz jendaurrean uko egin diote aldarrikapen independentistari
Argumentuaren hari berean, otsailaren 10ean, igandea, Naiz-en argitaratutako elkarrizketan Etxerat-ek, zoritxarrez, baztertzeko ezer ez duten adierazpenak eta asmoak agertu zituen. Etxerat-ek lan humanitarioa eta asistentziazko lanak aldarrikatu ditu beti. Hala ere, aipatu elkarrizketan bozeramaile ofizialek adierazitakoaren arabera, “salaketaz eta asistentziaz gain, konpontze-prozesu integralaren alde lan egin nahi dugu, berriro ez gertatzera eramango duena”. Sorturen estiloko adierazpenak, aldi berean, joan eta etorri egiten direnak.
Zein izan beharko luke konpontze-prozesu integralaren aldeko lanak euskaldunon aldetik? Bada, helburu historikoen aldeko borroka; hain zuzen ere, Ezker Abertzaleak (bere senitarteak barne direla) bizitza osoan borrokatu dituen helburuak, alegia, Euskal Herriaren Independentzia eta Sozialismoaren aldeko borroka. Noski, baldin eta bandera-ontzia halakorik egiteko prest ez badago, Etxerat, are gutxiago. Agerikoa dirudi.
Goian aipatutakoa honela amaitzen da: “Konponbide integralak berriro ez gertatzera eramango du”. Horrek badauka zentzurik, baina Independentzia eta Sozialismoa lortuz gero, jakina! Bistan denez, askapenerako ibilbide desberdina egin beharra dago, baina, beti ere, lortutakoaren defentsan.
Dena dela, hitz-jokoa denaren beldur gara pertsona asko. Ageriko kontraesan batez jantzitako jokoa da hori, hots, “lubakiak abandonaturik konponbide integralaren alde borrokatzea da hori, elkarri entzuteko” ez dirudi posible denik, konponbide politikoarekiko beste aldekoek erakutsitako gogo eza kontuan hartzen badugu.
Planteamendua ulertu ahal izateko ikastaro bat eman beharko digute, esaten omen dutena guztiz bestelakoa izatea dirudielako. Hau da, ez dago konponbide integralik, ezertxo ere ez. Berton, euskaldunoi dagokigunez, zatikako eta aldizkako errendizioa dator eta Ezker Abertzale Ofizial eta Erreformistako mundu guztiari dagokio.
Hor dugu Sortu, espainiar legalitatea ondorio guztiekin onartu duena, ETA, teoria iraultzailea eta armategia bertan behera utzi dituena eta abar. Ez dute negoziatu nahi? Bada, errenditu eta armak entregatzen ditugu. Legez kanpo utzi nahi gaituzte? Bada, okupatzen gaituztenen legeria onartzen dugu itsu-itsuan. Ez dute euskal preso politikoak askatu nahi? Bada, norberak bila dezala bere askatasuna. Modu horretara, ez diegu aurre egiten Euskal Langile Herria suntsitu nahi dutenei.
Gure galdera da (nahiz eta funtsezko zalantza ez izan) ea Sortu konplexuak Etxerat nahastu behar duen halako deskalabruan. Denbora pixka bat behar izan badute ere, baiezkoan gaude. Hala diote, behintzat, bozeramaileek.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Hazparnen idekiko da –hau publikatzean ez bada jadanik egina– liburu denda berria. Et’abar deituko da. Denda tipia izanen da, euskarazko publikazioen eskaintza ukanen duena. Ez da Ipar Euskal Herri barnealdean bakarrik arituko. Hain zuzen ere, azken lau... [+]
Informazio sareetan murgilduta, aktibismo digitalaren inguruan zenbait informaziora heldu naiz. Aktibista digitaletan pentsatzen dudanean, antolaketa moduetan ere pentsatzen dut, denok ez diegu-eta arazoei berdin heltzen. Batzuek aktibismo digitalari komunikazioatik heltzen... [+]
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
Ez naiz oso konspirazio zalea. Eta are gutxiago naiz konspirazio zaleen zalea. Baina badago bat, hasieran sinesgogor harrapatu baninduen ere, luze gabe konbentzitu egingo nauena azkenean. Ikusiko zenuten zuen sare sozial gogokoenean bueltaka: Mercadona... [+]
Etxea euskal ohitura zaharretan hildakoen eta bizirik zeudenen espazioa zen. Hilda jaiotzen ziren umeak edo bataiatu aurretik hildakoak kanpoko horma baten ondoan lurperatzen ziren, teilatuaren babesean. Abizenak ere etxe bati lotuta zeuden, etxeak ematen zion izena bertan bizi... [+]
Imajinatu kiroldegiko igerileku bat, sei kortxo ilarekin. Lerro horietako baten aurrean zutunik zaude. Lehenengo kalean adineko bi andre-gizon ikusten dituzu, beraien taularekin astiro-astiro igeri egiten. Bigarren kalean, aldiz, bi neska gazte dabiltza bata bestea baino estilo... [+]
Trumpen muga zergen inguruko neurri ero bezain erratikoek ekarri dute Europako Batasuneko herrialde ugarik sektore eta enpresa kaltetuentzat dirulaguntzak bideratzea. Esate baterako, muga zergen gerrak kaltetutako enpresen aldeko14 mila milioi euroko plana onartu berri du... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Energia eta telekomunikazio burujabe eta iraunkorraren aldeko manifestu kolektiboa.
Ustekabean edo... urte hasiera honetan bi mila milioitik gorako irabaziak izan omen ditu Iberdrolak, baina ez omen dago txapliguak, altxafuegoak, etxaferuak... edo dena delakoak zeruetara botatzeko egoeran, izan ere, iaz aldi berean baino %27 gutxiago irabazi omen du. Atalen... [+]
Hezkuntzari buruzko eztabaidan, gutako batzuk erabiltzen ari garen neologismoa (uste dut horrela deitu ahal diogula) da pedagogismoa, agian azalpenik behar duena. Asmoa da pedagogiari aukera bat ematea, bi gauzak bereizita. Zientifizismoa eta zientziaren arteko bereizketan... [+]
Politikan, gizartean eragiteko nahiaren eta identitate zeinuetan sakontzearen arteko tentsioa ekidinezina da. Zabaltzearen eta norberaren ezaugarriak indartzearen arteko hartu-emana politikaren adierazle baita. Bi arloak lortu nahi izaten dira, eta elkarren artean elikatzen... [+]