Erasoa larunbatean gertatu zen Gasteizko aldirietako gasolindegi baten kanpoaldean. Gasteizko mugimendu feministak kontzentrazioa antolatu du.
Ertzaintzak gizonezko bat atxilotu du sexu erasoa egotzita. Erasoa larunbat gauean gertatu zen. Erasotzaileak gasolindegi baten dendatik irten zenean egin zion eraso emakume bati. Emakumeak aurre egin zion erasotzaileari, eta azken horrek ihes egin zuen. Gasolindegiko kamerek gertatutakoa grabatu zuten.
Ez da Gasteizko jaien testuinguruan gertatu den eraso bakarra. Asteartean beste gizonezko bat atxilotu zuen udaltzaingoak emakume bati ukituak egiteagatik. Gasteizko mugimendu feministak hirugarren eraso bat ere gertatu dela jakinarazi du.
Kontzentrazioa asteazkenean
Gasteizko mugimendu feministak eraso matxisten aurkako protokoloa aktibatzea erabaki du. Kontzentrazioa antolatu du asteazkeneko 20:00etan Andra Mariaren plazan, “Aski da! Ni una menos” lelopean.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.