Memoriaren Egunean, larunbatean, Sartagudako Parkean egin zuten omenaldia. Besteak beste, Jaxinto Gomezi eta Carlos Martinezi egin zioten ohore Alargunen Herria Elkarteko kideek.
Urteroko hitzordua izan zen larunbatekoa Sartagudan. Ekitaldi hunkigarria eta emozioz betea. Memoriaren Egunean egin zuten ekimena eta Alargunen Herria Elkarteko kideek bereziki bi lagun omendu zituzten: Jaxinto Gomez eta Carlos Martinez. Frankismoan fusilatutakoei omenaldia egin zieten oro har, eta guztientzat justizia eta aitortza aldarrikatu zituzten. Bertan izan ziren, besteak beste, Nafarroako Gobernuko Herritarrekiko eta Erakundeekiko kontseilaria, Ana Ollo eta beste erakundeetako ordezkariak ere. Guztion oroimenean gera dadin frankismoak utzitakoa halako ekitaldiak egitearen garrantzia azpimarratu zuten larunbatekoan.
Albiste hau Euskalerria Irratiaren webgunean argitaratu dute eta CC by-sa lizentzia medio ekarri dugu
Udalak jakinarazi du herrian bertan egingo diotela omenaldia apirilaren 28an. Igande honetan, aldiz, beste 198 fusilaturekin batera omenduko dute Valladoliden, baina ez dute hango memorialean hobiratuko.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.