2017ko urtarrilean jakin zen Izar, orduan Valentziako Picassent espetxean zeukaten Sara Majarenas presoaren alaba bi urtekoa, haren aitak labankadaz larriki zauritu zuela, baliatuz ama espetean zegoen bitartean berak asteburuetan zeukan haurraren zaintza. Mobilizazio handiak izan ziren geroztik bai Sara eta bai Izarren hurbiltzea eta kaleratzea eskatuz eta Eusko Legebiltzarrak ama-alabak libre utz zitzaten eskatu zuen.

Presoari bigarren gradua eman zioten epaileek, baina hortik aurrera berrikitan presoaren amak salatzen zuenez, azken unea arte Espainiako epaileek ez dute erruki handirik azaldu biekiko. Gaur zabaldu du Etxerat elkarteak Sara libre geratu dela.