Valentziako Probintzia Auzitegiak 28 urteko kartzela-zigorra ezarri dio Stytianos Messinezisi, Izar alaba hiltzen saiatzeagatik eta Sara Majarenas amari lesio psikikoak eragiteagatik.
Auzitegiak "senidetasun eta genero arrazoien" astungarriak eta "arau-haustea aitortzearen" aringarria aplikatu ditu, eta Messinezisi "guraso-ahala kentzea" ezarri du. Era berean, 86.750 euroko kalte-ordaina ere ezarri diote, lesio psikikoengatik, sekuelengatik eta kalte moralengatik.
Fiskalak 30 urteko kartzela zigorra eskatzen zuen.
"Nahasmendu" aringarria arbuiatu du auzitegiak
Auzitegiak ukatu egin du Messinezisen defentsak epaiketan alegatutako "nahasmendu mental iragankorra" aringarri edo salbuesle gisa aplikatzea, eta, zentzu horretan, egiaztatu du egin zaizkion frogen artean "bakarrak ere ez duela agerian uzten, ezta zeharka ere, inolako alterazio edo anomalia psikikorik".
Urriaren 16ra atzeratu da epaiketaren hirugarren saioa, eta ihes egiteko arriskua argudiatuta, Izar Majarenas larri zauritu zuen Stytianos Messinezis espetxeratzeko eskatu dute fiskalak eta akusazio partikularrak. Eskaera onartu egin du epaileak.
Hasi da Valentzian Sara Majarenasekin izan zuen alabari bi labankada eman zizkion gizonaren aurkako epaiketa. Erasoa onartu eta damututa dagoela, baina zehaztasunik ez duela gogoratzen esan du erasotzaileak. Alabak ondorio psikologikoak sufritzen jarraitzen duela adierazi du... [+]
Estropaden egun nagusian manifestazioa egin dute Sara Majarenas eta Izarri elkartasuna adierazteko, eta justizia gizartearen presioarekin soilik lortu daitekeela esan dute.
Agerraldia 25 emakumek egin dute, Egiako parkean, astelehenean. Igandean beste justizia eredu bat aldarrikatzeko egingo den manifestazioan parte hartzeko deia ere egin dute.
Kontxako Banderaren bigarren igandean egingo den manifestaziorako deia egin du Sara Izarrekin plataformak. “Bizi nahi dut” lelopean abiatuko dira Bulebarretik, irailaren 8an, 13:30ean.