Kontxako Banderaren bigarren igandean egingo den manifestaziorako deia egin du Sara Izarrekin plataformak. “Bizi nahi dut” lelopean abiatuko dira Bulebarretik, irailaren 8an, 13:30ean.
Joan den ekainean epaileak erabaki zuen Sara Majarenasen eta haren alabaren erasotzaileak libre jarraituko zuela. Majarenasek “salbuespenezko” egoera bat bizi duela salatu zuten orduan. Majarenasen eta bere alabaren aldeko babes ekimena izango da datorren asteko manifestazioa eta “justizia patriarkalak” emakumeak bakarrik uzten dituela salatuko dute.
(in) justizia patrialkal honek Emakumeak bakarrik uzten gaituelako. Beste justizia eredu bat behar dugulako. Emakumeak arriskuan gaudelako. Babesa behar dugulako. Beldurrik gabe bizi nahi dugulako... Irailak 8 manifestazioa Donostian, eguerdiko 13.30ean Bulebarretik. pic.twitter.com/8QiQRWV75Q
— Izarrekin (@izarrekin) August 26, 2019
Valentziako Probintzia Auzitegiak 28 urteko kartzela-zigorra ezarri dio Stytianos Messinezisi, Izar alaba hiltzen saiatzeagatik eta Sara Majarenas amari lesio psikikoak eragiteagatik.
Urriaren 16ra atzeratu da epaiketaren hirugarren saioa, eta ihes egiteko arriskua argudiatuta, Izar Majarenas larri zauritu zuen Stytianos Messinezis espetxeratzeko eskatu dute fiskalak eta akusazio partikularrak. Eskaera onartu egin du epaileak.
Hasi da Valentzian Sara Majarenasekin izan zuen alabari bi labankada eman zizkion gizonaren aurkako epaiketa. Erasoa onartu eta damututa dagoela, baina zehaztasunik ez duela gogoratzen esan du erasotzaileak. Alabak ondorio psikologikoak sufritzen jarraitzen duela adierazi du... [+]
Estropaden egun nagusian manifestazioa egin dute Sara Majarenas eta Izarri elkartasuna adierazteko, eta justizia gizartearen presioarekin soilik lortu daitekeela esan dute.
Agerraldia 25 emakumek egin dute, Egiako parkean, astelehenean. Igandean beste justizia eredu bat aldarrikatzeko egingo den manifestazioan parte hartzeko deia ere egin dute.