Izar Majarenasen aita behin-behinean espetxeratu dute, urrian epaiketari berrekin arte
Urriaren 16ra atzeratu da epaiketaren hirugarren saioa, eta ihes egiteko arriskua argudiatuta, Izar Majarenas larri zauritu zuen Stytianos Messinezis espetxeratzeko eskatu dute fiskalak eta akusazio partikularrak. Eskaera onartu egin du epaileak.
Sara Majarenasen bikotekide ohia otsailean atera zen kalera, instrukzio fasea "denboraz luzatu" zelako. Ihes egiteko arriskua zegoela eta berriz espetxeratzeko eskatu zuten arren, ezezkoa emana zuen epaileak; oraingoan ordea, bestelakoa izan da erabakia.
Astearte goizean hasi zen Valentziako epaitegietan Izarri eraso egin zion gizonaren aurkako epaiketa. Asteazken honetan amaitzea aurreikusten bazen ere, lekuko batek eta bi perituk deklaratu behar dute oraindik, eta urrira atzeratu da hirugarren eta azken saioa.
Bi urteko alaba labankadaz hiltzen saiatzeagatik, 30 urteko espetxe zigorra eskatzen du fiskaltzak. Erasoa onartu eta damututa dagoela, baina zehaztasunik ez duela gogoratzen esan du erasotzaileak epaiketan. 2017an jazo zen erasoa: Izar amarekin bizi zen kartzelan, baina asteburuak aitarekin egiten zituela baliatuta, baimen horietako batean bi labankada eman zizkion Messinezisek alabari. Zauri fisikoez gain ondorio psikologiko larriak sufritu zituela eta oraindik ere trauma osteko estresa jasaten duela adierazi du amak, epaiketan.
Valentziako Probintzia Auzitegiak 28 urteko kartzela-zigorra ezarri dio Stytianos Messinezisi, Izar alaba hiltzen saiatzeagatik eta Sara Majarenas amari lesio psikikoak eragiteagatik.
Hasi da Valentzian Sara Majarenasekin izan zuen alabari bi labankada eman zizkion gizonaren aurkako epaiketa. Erasoa onartu eta damututa dagoela, baina zehaztasunik ez duela gogoratzen esan du erasotzaileak. Alabak ondorio psikologikoak sufritzen jarraitzen duela adierazi du... [+]
Estropaden egun nagusian manifestazioa egin dute Sara Majarenas eta Izarri elkartasuna adierazteko, eta justizia gizartearen presioarekin soilik lortu daitekeela esan dute.
Agerraldia 25 emakumek egin dute, Egiako parkean, astelehenean. Igandean beste justizia eredu bat aldarrikatzeko egingo den manifestazioan parte hartzeko deia ere egin dute.
Kontxako Banderaren bigarren igandean egingo den manifestaziorako deia egin du Sara Izarrekin plataformak. “Bizi nahi dut” lelopean abiatuko dira Bulebarretik, irailaren 8an, 13:30ean.