Sara Majarenas askatzearen alde daude Eusko Legebiltzarreko talde guztiak, PP izan ezik
Eusko Legebiltzarreko EAJ, EH Bildu, Podemos eta PSEren taldeek Sara Majarenas euskal presoa askatzeko eskatu dute legez besteko proposamen batean. Legebiltzarreko mahaiak tramitera onartu du, eta beraz osoko bilkuran eztabaidatuko da proposamena. Majarenasen eta beraren alabaren eskubideen bermea eskatu diote Espainiako Espetxe Zuzendaritzari.
Majarenasek eta haren alaba Izarrek inguru seguru batean bizitzeko eskubidea dutela eta horretarako ama askatu beharko luketela esan dute lau talde politikoek. Proposamenaren testuaren arabera, Izarren egoera psikologikoa aztertu duen medikuak esan du umeak egonkortasuna behar duela urtarrilean aitarengandik jasandako erasoaren ondorioak behar bezala gainditzeko. Testua onartutakoan, Espetxe Zuzendaritzari eta Auzitegi Nazionalari igorriko diete.
Valentziako Probintzia Auzitegiak 28 urteko kartzela-zigorra ezarri dio Stytianos Messinezisi, Izar alaba hiltzen saiatzeagatik eta Sara Majarenas amari lesio psikikoak eragiteagatik.
Urriaren 16ra atzeratu da epaiketaren hirugarren saioa, eta ihes egiteko arriskua argudiatuta, Izar Majarenas larri zauritu zuen Stytianos Messinezis espetxeratzeko eskatu dute fiskalak eta akusazio partikularrak. Eskaera onartu egin du epaileak.
Hasi da Valentzian Sara Majarenasekin izan zuen alabari bi labankada eman zizkion gizonaren aurkako epaiketa. Erasoa onartu eta damututa dagoela, baina zehaztasunik ez duela gogoratzen esan du erasotzaileak. Alabak ondorio psikologikoak sufritzen jarraitzen duela adierazi du... [+]
Estropaden egun nagusian manifestazioa egin dute Sara Majarenas eta Izarri elkartasuna adierazteko, eta justizia gizartearen presioarekin soilik lortu daitekeela esan dute.
Agerraldia 25 emakumek egin dute, Egiako parkean, astelehenean. Igandean beste justizia eredu bat aldarrikatzeko egingo den manifestazioan parte hartzeko deia ere egin dute.