Sara Majarenasek bigarren gradua eskuratuko duela jakin ostean, 5.000 pertsona baino gehiago batu dira Donostian, ama-alaben askatasuna eta etxeratzea eskatzeko. Majarenasen abokatuak ziurtatu du lanean jarraituko dutela hirugarren gradua lortu arte.
Mobilizazioa Bulevarrean hasi da. Jai giroan ibili da Donostiako kaleetan zehar, izar formadun puxikak zeramatzaten haurrek gidatuta. Epaitegien aurrean amaitu da. Han, Majarenasen aitak alabak idatzitako gutuna irakurri du. Sara Izarrekin Etxera plataformak eskerrak eman ditu jendeak eskainitako babesarengatik, eta lanean jarraitzeko deia egin du: “Madrilen egoteak Izar familia girotik urruntzen du eta zaintza zentroan ez da aske izango”.
Majarenasen abokatu Onintza Ostolazak bere poztasuna adierazi du lortutako urratsarengatik. Lana, ordea, ez da hemen amaitzen. Helmuga hirugarren gradua da, euskal preso donostiarrak horretarako baldintzak betetzen dituelako.
Ostegunean bete zituen hiru urte Izarrek. Espainiako legeriaren arabera, une horretatik aurrera seme-alabak ezin dira kartzelan egon. Ostegunean Espainiako Espetxeratuen Zaintzako Epaitegiak bigarren gradua eman zion, 100.2 artikuluaren “malgutasun printzipioa” jarraituz. Sara eta Izar Piocasseteko espetxetik atera eta Madrilgo zentro berezi batera eramango dituzte.
Manifestazioaren laburpen bideoa:
Valentziako Probintzia Auzitegiak 28 urteko kartzela-zigorra ezarri dio Stytianos Messinezisi, Izar alaba hiltzen saiatzeagatik eta Sara Majarenas amari lesio psikikoak eragiteagatik.
Urriaren 16ra atzeratu da epaiketaren hirugarren saioa, eta ihes egiteko arriskua argudiatuta, Izar Majarenas larri zauritu zuen Stytianos Messinezis espetxeratzeko eskatu dute fiskalak eta akusazio partikularrak. Eskaera onartu egin du epaileak.
Hasi da Valentzian Sara Majarenasekin izan zuen alabari bi labankada eman zizkion gizonaren aurkako epaiketa. Erasoa onartu eta damututa dagoela, baina zehaztasunik ez duela gogoratzen esan du erasotzaileak. Alabak ondorio psikologikoak sufritzen jarraitzen duela adierazi du... [+]
Estropaden egun nagusian manifestazioa egin dute Sara Majarenas eta Izarri elkartasuna adierazteko, eta justizia gizartearen presioarekin soilik lortu daitekeela esan dute.
Agerraldia 25 emakumek egin dute, Egiako parkean, astelehenean. Igandean beste justizia eredu bat aldarrikatzeko egingo den manifestazioan parte hartzeko deia ere egin dute.