Sanferminetan hamar barra jarri nahi ditu Mayak Iruñeko Gazteluko plazan
Iruñeko Udalak joan den astean iragarri zuen tabernetako hamar barra jartzeko asmoa zuela sanferminetan Iruñeko Gazteluko plazan. Udalak Labrit kaleko goiko tabernei eta aipatu plazakoei eskaini die aukera.
aurre egingo dieten hedabide independenteak
Udalak jakinarazi duenez, aurten beste giro bat eman nahi dio Gazteluko plazari, bestela botilatzar handia bihurtzen ari zelako. Horretarako barrak jarri eta arratsaldean eta gauean, ohiko dantzaldia eta kontzertua baino, DJ-ek kudeatuko dute musika plazan.
Labriteko Aldapa kaleko goiko tabernei aurtengo sanferminetarako galarazitako karpetatik dator gaia, eta hainbaten ustez "aitzakia". Ostatu horiek euren taberna aurrean sanferminetan gau eta egun jarduteko karpa eta barrak izateko aukera izan dute azken 32 urteetan, baina aurten baimen hori ukatu die udalak, auzokideentzat eragozpenak eta arazoak sortzen dituztela argudiatuz. Eremu hartako auzokideek pozarren hartu dute erabakia, ostalariek oso gaizki.
Hamar barra Gaztelu plazan
Hango ostalarien haserrea baretzeko, udalak kontraproposamena egin die, bai haiei eta baita Gazteluko plazako ostatuei ere: Gazteluko plazan hamar barra jartzeko aukera. Taberna gehiago daudenez, eskaera egiten dutenen artean zozketa egingo da.
Barra horiek plazako lorategitik barru aldera jarriko lirateke. Argindarra bai baina ur korronterik ez dute izango, ezingo dute ez musika ez terraza edo aulkirik jarri, eta goizeko 10etatik goizaldeko 2:30ak arte irekitzeko aukera izango dute.
Eztabaida handia dabil hirian gaiaz, askoren ustez hori delako hain zuzen "turistentzako botilatzarra" hiriaren bihotzera eramatea. Enrique Maya alkatea ere atzera aurrera ibili da gaiarekin, asteazkenean zalantzan jarri zuen barrak izango zirenik, tabernariek ez zutela eskaririk egiten argudiatuz: "Ostatuek ez badute nahi arazoa bukatu da eta kito". Horixe esan zuen, hitzez hitz, arazorik ez zegoen tokian orain arazoa dagoela aitortuz. Ostiral honetan, hamahiru ostatuk dagoeneko barra jartzeko eskaera egin dutela iragarri du udalak.
Labrit eta Gazteluko plazako ostalarien artean ere denetarako iritziak daude, eta batzuek publikoki adierazi dute ez zaiela ideia egokia iruditzen. Alabaina, bertakoak aurkezten ez badira, kanpokoei eskainiko zaiela ere entzun da, eta horren aurrean, hainbat tabernek aditzera eman dutenez, behartu egiten dituzte proposamena onartu eta eskaria egitera.
Antzeko zerbait esan du Gure Etxea ostatuko arduradunak ETB2n egindako adierazpenetan, barrak jartzea ez dela ideia ona, baina azken finean, "beste batek gure tabernaren aurrean barra bat jartzea baino, guk geuk jarri beharko dugu". Napargar garagardotegitik azpimarratu dutenez, inork ez du ostalariekin hitz egin proposamena egiterakoan; haiek ez dute barra jarriko, eta beldur dira plazan sor daitekeen giroarekin.
Jadanik 67 ostatu daude
Aldezarrean Bizi auzo elkartearen esanetan, guztiz harrituta hartu dute DJ-en eta barren erabakia, eta honek aldez aurretik ere egoera gogorra jasan behar duten auzokideen egoera okertzen du. Dagoeneko oso okupatua dagoen espazio publikoaren okupazioa areagotzen duela ere salatu du, eta berez alkohol asko dagoen Alde Zaharrera alkohol gehiago eramango dela.
Gaur egun hamalau ostatu daude Gazteluko plazan eta haren bueltan diren kaleetan 53 –Estafetan, San Nikolasen, Comediasen, Pozo Blancon eta Mercaderesen–. Hau guztia gertatzen ari da, aste honetan bertan Herri Sanferminetako kideek jakinarazi dutenean ez dutela barrarik jarriko sanferminetan, udalak ez dielako baimenik eman festa-guneak jartzeko azken urteetan paratu dituzten Errekoleten eta O plazetan.
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
Uda giroan barneratuta, heldu dira herriko festak, baita sexu erasoen salaketen gorakada ere. Gozamenerako guneak sortzeko hilabeteetako lana egiten dute jai eta txosna batzordeetako kideek, eta goraipatzekoa da espazio horiek bermatzeko herritar boluntarioek egiten duten... [+]