Herri Sanferminak: “Haserre gaude, baina haserre hori Herri Sanferminen aldeko indar bilakatuko dugu”
Iruñeko Udalak jarritako baldintzekin desadostasunean, prestatutako egitaraua bertan behera utzi eta txosna jartzeari uko egin diote Herri Sanferminen bultzatzaileek. Alabaina, beren balioak erdigunera eraman eta aldarrikatzeko moduak aurkituko dituztela jakinarazi dute.
Herri Sanferminen antolatzaileek prentsaurrekoa egin dute asteazkenean Iruñeko O plazan, 11:00etan. Agerraldiaren bitartez iragarri dute aurtengo Herri Sanferminetarako prestatu duten egitaraua bertan behera utzi dutela, eta txosna jartzeari ere uko egin diotela. Arrazoia: Iruñeko Udalak jarritako baldintzak.
Salatu dutenez, udalak erdigunetik bazterrera itzularazi nahi ditu Herri Sanferminak. Izan ere, 2016az geroztik eta lau urtez hiriaren erdigunean ospatu dituzte jaiak, baina aurten Errotazar ingurura joatea beste aukerarik ez diete eman, La Runa parkera. "Iruñeko Udalak Alde Zaharretik bota gaitu", adierazi dute.
Udalaren jaiekiko jarreraren salaketa
Jaien antolakuntzari begira Enrique Mayaren udalak izandako hainbat jarrera salatu dituzte. Batetik, kudeaketa traketsa izan dela azpimarratu dute, adieraziz udazkenean proposamenak egiteko epea ireki zutenean helarazi zutela O eta Errekoletas plazetan egitaraua burutzeko proposamena, eta apirilera arte udala ez zela beraiekin harremanetan jarri. Behin harremanetan jartzerakoan, egindako proposamena kontutan hartu gabe egin zuela kritikatu dute. Horretaz guztiaz gain, adierazi dute San Ferminen mahaiko bi bilera soilik deitu direla, eta horietan parte hartzerako eta eztabaidarako tarterik ez dietela utzi.
Udalaren jarrera zurruna ere izan dute jo puntuan. Azaldu dutenez, eskatutako espazioak erabiltzeko baimena ukatu ondotik, alternatibez hitz egiteko bilera galdegin zioten udalari, eta bertan jarrera zurrunarekin topo egin zuten, "proposatzen genizkien alternatiba posible guztiak baztertuz". Udal ordezkarien argudio nagusia bizilagunen balizko molestiak izanik, herritarren deskantsua kontutan hartuko zuten ordutegiak negoziatzen saiatu zirela azaldu dute, adostasunik lortu gabe. Gaztelu plazan barra kalera ateratzen duten tabernei bestelako tratua eman zaiela eman dute jakitera, 02:00ak arte zerbitzatzeko baimena eman baitie udalak.
Aurrekoez gain, udalari leporatu diote kontutan hartu ez izana Herri Sanferminetako jai gunea gune segurua izan dela eraso sexista, LGTBIfobo eta arrazisten aurrean. "Jaiak guztientzako gozagarri izatea haien agendan ez dagoela" argi utzi dute, Herri Sanferminetako antolatzaileen arabera.
Herri Sanferminak ikusezin bilakatzeko asmoa
Udalarekin izandako harremana eta hark jarritako baldintzak zein diren kontutan hartuta, Herri Sanferminen antolatzaileek ondorioztatu dute udal gobernuarentzat oztopo dela Herri Sanferminen jai eredua, eta ikusezin bilakatu nahi dutela horregatik . "Sanfermin herrikoi, parte hartzaile, feminista, ekologista, euskaldun, antikapitalista eta askotarikoak traba dira haientzat, eta guk proposatzen dugun eredua errespetatzetik urrun, festatik baztertzen saiatzen dira".
Bazterketa saiakera horren aurrean, baina, Herri Sanferminen aldeko apustuan berretsi dira. Prestatutako egitaraua bertan behera uztea erabaki badute ere, Herri Sanferminen balioak erdigunean jarri eta aldarrikatuko dituzten festak ospatzeko beste modu batzuk bilatuko dituztela azpimarratu dute. "Haserre gaude, bai. Baina haserre hori Herri Sanferminen aldeko indar bilakatuko dugu. Lanean jarraitzen dugu, datozen Sanfermin berezi hauek benetako loraldi herrikoi bat izateko".
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Angel Blanco da kartelaren egilea eta bigarrenez irabazi du saria, 2009an ere jaiak iragarri zituen. 635 kartelen artean 10 hautatu ditu epaimahaiak eta 10.018 boto jaso dira irabazlea erabakitzeko.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.