Iruñeko Alde Zaharrean AZ ekimenak sare komunitarioaren auzo jardunaldiak, auzo topaketak, antolatu ditu beste urte batez. Urriaren 17 eta 18 izango dira eta gentrifikazioa edo turistifikazioa bezalako gaiak izango dituzte ardatz.

Gentrifikazioak auzoaren izaera aldatzen du, hustu, eta berri bat ematen dio, kanpo begirada batek sortua. Turistei zuzendutako komertzioak geroz eta gehiago dira Alde Zaharrean Cabodevillaren ustez. “Prozesu demografiko bat da. Auzo bateko biztanleria ordezkatzen du beste klase bateko biztanleria batengatik. Orokorrean diru gehiago daukatenak eta horiek sortzen dute auzoko estruktura berri bat”, azaldu du.

Azken urteotan sortutako hiri-eredu berri horren parte parrandarako hiri gisara saldu izana. Eta hori, ez da soilik kanpotik datorren arazoa, “baizik eta nafarrok ere elikatzen dugun arazoa”, iritzi dio.

Guzti honi aurre egiteko lehendabiziko urratsa “auzoan antolatzea” dela uste du Cabodevillak. Hartara, auzo bizigarria egiteko eta Alde Zaharrean auzo bat bizi dela aldarrikatzeko  Nahiko AZ taldea sortu dute. Ostegunean aurkeztu dute ekimena Plazaran.