Ostegunean 2016ko Sanferminetan taldean egindako bortxaketaren epaia jakinaraziko dute

  • Nafarroako Auzitegiak jakinarazi du ostegunean egingo dutela publiko 2016ko sanfermin jaietan, Iruñean, bost gizonen artean bortxatu zuten emakumearen kasuko epaia.


2018ko apirilaren 23an - 12:06
Milaka lagun bildu ziren udaletxearen aurrean sexu erasoa salatzeko.

Sevillako bost gazte epaitu dira bertan eta madrildar neska bat bortxatzea leporatzen zaie. Bost gazteak espetxean dira 2016ko uztailetik eta epaileek hainbatetan ukatu dute haien behin-behineko askatasuna. Fiskaltzak 22 urteko espetxe zigorra eskatzen du haietako bakoitzarentzat eta guztien artean 100.000 euro ordaintzea biktimari kalteordain gisa.

Honela dio Nafarroako Auzitegiaren prentsa bulegoak Twitterren jarritako mezuak:

"Ostegunean, hilak 26, Nafarroako Auzitegiko Bigarren Saileko presidenteak 2016ko Sanferminetan ustez gertatu zen talde-bortxaketaren epaia irakurriko du 13:00etan".

22 urteko espetxe zigor eskaera akusatu bakoitzarentzat

Hiru delitu leporatzen dizkiete bost akusatuei: eraso sexual iraunkorrarengatik 18 urteko espetxe zigorra eskatzen du fiskalak euretako bakoitzarentzako; ezin izango dira gerturatu emakumearengana 500 metro baino gehiago; biktimarekin ezin izanen dira komunikatu 20 urtean eta espetxe zigorra bete ondoren 10 urteko zaintzapeko askatasuna izanen dute. Intimitatearen aurkako delituarengatik gainera, 2 urte eta 10 hilabeteko espetxe zigorrak eskatzen dituzte eta 5.409 euroko isuna ezartzen diete horregatik. Lapurreta egiteagatik beste bi urteko espetxe zigorra ere eskatzen die fiskalak. Biktimari egindako min moralarengatik 100.000 euroko kalte ordaina ordaintzera behartuko ditu eta Nafarroako Osasunbideari 1.531,37 eurokoa.

Akusatuen defentsak dagoeneko iragarri du bere bezeroek errugabe joko dituztela euren buruak.


Kanal honetatik interesatuko zaizu: Sexu Erasoak
Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Lau urteko kartzela zigorra ezarri diote 41 urteko gizon bati Iruñean, bikotekideari sexu erasoak egiteagatik

Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.


Bi gizon atxilotu dituzte Galdakaon, sei adingaberi sexu erasoak egitea egotzita

Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.


2024-02-13 | ARGIA
Bi gizon atxilotu dituzte Tolosan eta Ibarran, hiru sexu-eraso egitea egotzita

28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.


Eguneraketa berriak daude