Erresuma Batuko pertsonarik aberatsenetako bat izango da lehen ministro berria: Rishi Sunak

  • Boris Johnsonen Ekonomia ministro ohi Rishi Sunak izango da Erresuma Batuko lehen ministroa. Alderdi kontserbadorearen barruko lasterketan, aurkari nagusien babesa lortu ditu Sunakek.


2022ko urriaren 24an - 15:19
Azken eguneraketa: 2022-10-25 09:40:16

Downing Street-era heltzeko lehian, bere aurkariak, Komunen Ganbarako buru eta estatu idazkari ohi Penny Mordauntek, utzi duela iragarri du eta beraz, Rishi Sunak izango da lehen ministro. Sunak zen Liz Truss lehen ministro ohiak utzitako lekua hartzeko aukera gehien zuen hautagaia, eta azkenean, aurreikuspena bete da. Alderdi barruko babes garrantzitsuak lortu ditu, tartean Boris Johnson lehen ministro ohiarena.

42 urte ditu Sunakek eta gizon zuria ez den lehen pertsona izango da kargu horretan. Indiako Punjab eskualdeko migratzaileen biloba da, Afrikako ekialdetik 1960ko hamarkadan Ingalaterrara joandakoak. Winchesterreko ikastetxe pribatu elitistan ikasi zuen eta Filosofia, Politika eta Ekonomian lizentziatu zen Oxfordeko Unibertsitatean. Sunak eta bere emazte Akshata Murtyren artean- 825 miloi euro inguruko dirutza daukate, The Guardian-en arabera. Eta hala, Sunday Times hedabideak osatutako zerrendaren arabera, Erresuma Batuko 222. familiarik aberatsena da.

Irailean, Boris Johnsonek alde egin ostean, Sunakek lehia galdu zuen alderdiaren buruzagitza (eta beraz, gobernuarena) lortzeko lehia, Liz Truss izan baitzen garaile oinarri kontserbadoreen botoari esker.

Bere aurrekari Liz Truss izan da Erresuma Batuan karguan denbora gutxien eman duen lehen ministroa: 45 egun. Ostegunean dimisioa eman zuen, bere alderdiko kideen artean presio handiak jasan ondoren. Irailean ekonomia biziberritzeko promesarekin boterea hartu ondoren, Trussek pakete fiskal neoliberal eztabaidagarria iragarri zuen, baina merkatuetan kontrakotasun handiak sortu zituen. Polemikaren ondorioz, finantza ministroa kargutik bota eta iragarritako neurri gehienak baliogabetu zituen. Handik denbora gutxira kargua utzi behar izan zuen.


Kanal honetatik interesatuko zaizu: Erresuma Batua
Normandiako beste lehorreratzea

1415eko udazkenean Agrincourteko gudua lehertu zen Ingalaterra eta Frantziaren artean, Ehun Urteko Gerraren gudu erabakiorrenetakoa. Horretarako, Henrike V.a Ingalaterrako errege eta Irlandako jaunak uda horretan bere ejertzitoa Frantziara bidaltzea erabaki zuenean, soldaduak... [+]


Erresuma Batuko inteligentzia zerbitzuek Israel lagundu dute Gazako genozidioan

Espioitzarako 200 hegaldi egin dituzte EBko hegazkin militarrek urritik, eta inteligentzia datuak eman dizkiete sionistei. Britainiarren inteligentzia jaso eta analizatzeko taldeak Israelen izan dira “gerra” hasi zenetik. Urriaren 7tik sionistei armak esportatzeko... [+]


Mikroplastikoak ondare arkeologikoan

York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]


Gilen Konkistatzailearen oinordeko aberatsak

Hastings (Ingalaterra), 1066. Gilen I.a Normandiako dukearen gudarosteak Harold II.a erregearen tropak mendean hartu zituen, eta tronua eskuratu zuen. Gilen I.a Konkistatzailea 1087 urtera bitartean izan zen errege.

Normandiarren konkistaren ondorengo erregealdi horretan,... [+]


Eguneraketa berriak daude