Protokoloa "gaizki eta berandu" ezarri du Osakidetzak

  • Gasteizko Txagorritxuko ospitaleko langile batek koronabirusaren sintomak zituela adierazi arren, test medikua lau egunera egin ziotela salatu du ELAk. Azterketa medikoak positibo emanda, Arabako “0 pazientea” identifikatu dute, baina positiboa eman duenerako gutxienez beste hiru osasun langile ere kutsatu dira ospitalean.


2020ko martxoaren 03an - 10:46
Emakume bat maskarilla jantzita Txagorritxuko ospitale kanpoan.

Osasun langileen artean hedatu da izurritea Gasteizen. Txagorritxuko lehen kutsatuarekin harremanetan egon diren langileak berrogeialdian daude, baita Olarizuko anbulatorioko langile guztiak ere.

Esther Saavedra ELAko ordezkariak GARAri egindako adierazpenetan, Osakidetzak “prebentzio falta” izan duela adierazi du, eta protokoloen erabileran “porrot izugarria” izan dela. Horrez gain, LABek salatu du lehenengo kasu positiboa publiko egin eta gero ezarri zuela protokoloa Osakidetzak.

Osasun langileak kutsatu izanak izurritearen arriskua areagotu dezake, mota guztietako gaixoekin duten harreman zuzenagatik. Horregatik, Espainiako Estatuko Osasun ministro Salvador Illak osasun langileek segurtasun neurriak zaindu behar dituztela azaldu zuen. Hau horrela, egitekoak ziren kongresu medikuak bertan behera uzteko gomendatu du, osasun langileen arteko hedapena ahalik eta gehien geldiarazteko.

Bide beretik joan dira Satse, CCOO eta UGT sindikatuak, egunotan egitekoak ziren mobilizazioak bertan behera utziz, birusa hedatu ez dadin.

Osasun langilerik gabe

Osasun langileen artean izurritea zabaldu denez, berrogeialdian daude horietako asko, Olarizuko anbulatoriokoak kasu. Txagorritxuko ospitalearen kasuan ere, langileetako asko berrogeialdian daude, eta ondorioz Santiagoko ospitaleko eta behin behineko listetako langileek joan behar izan dute lan egitera.

ELAk hori salatu egin du, argudiatuz ekipo osoak kontratatu berri diren aldi baterako langileek osatuko dituztela eta langile horiek bere lanari ekingo diotela“koronabirusari buruzko prestakuntza egokia jaso gabe”.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude