Protesta gogorrak Europako Banku Zentralaren egoitzaren inaugurazio atarian
Blockupy mugimenduak mobilizazioak egiten ari da Frankfurten eta liskarrak sortu dira manifestari eta poliziaren artean. 10.000 pertsona inguru gerturatu dira protestara eta poliziak 350 pertsona atxilotu ditu liskarrak sortzea leporatuta. Egoitzak 1.300 milioi euroko kostua izan du, aurreikusitako baina 400 milioi gehiago.
Frankfurten protestak eta istiluak izaten ari dira une honetan hainbat kaleetan. Poliziak negarra egiteko gasarekin eraso die manifestariei eta hauek suzko koktelak eta suziriak jaurti dizkiete. Spiegel hedabidearen arabera hiriko erdiguneko zubi bat bloketaturik daukate antikapitalistek eta operaren eraikin inguruan izan dira liskarrik gogorrenak.
Europako Banku Zentralaren egoitza berria guztiz hesitutaeta poliziak inguratuta dago.
Protestaren antolatzaile Ulrich Wilken-ek Reutersi adierazi dionez, euren asmoa "protesta zaratatsua eta baketsua" egitea zen.
Mugimendu antikapitalistak goizean goizetik ekin die Troikaren kontrako protestaldiei, euren esanetan erakunde horiek sortu baitute egun bizi dugun krisia, tartean Europako Banku Zentralak (EBZ). Bankuak egoitza berria inauguratuko du asteazkenean; Frankfurten kokaturiko etxe-orratz ikusgarria da eta 1.300 milioi euroko kostua izan du, munduan egin den eraikinik garestienetakoa. Blockupy-ren ustez hori bera ere bada erakundearen izaeraren erakusgarri.
Europar Batasuneko (EB) Legebiltzarra berritzeko hauteskundeak deituta daude datorren ekainerako eta iraupena 2029 artekoa izango da. Amaitzear dagoen legealdi honetarako, Ursula von der Leyen batzordeburuaren helburuetako bat zen Europa berdea sustatzea, baina xede hori... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.