Whatsapp mezuak enkriptatzeak ez luke zentzurik Europak kontrolerako lege hau onartzen badu
Helburua, berez, "adingabeak babestea" da, batik bat pedofiliatik. Europako Batzordea eta Legebiltzarra udazken honetan hasiko dira araudia lantzen. Kezkak eta kexak areagotu dira zaintzaren, kontrolaren eta zentsuraren ikuspegitik.
Kontrol sozial digitala denentzat, adin txikikoen segurtasunaren izenean. Badirudi aurrera egingo duela aspalditxo hasitako bideak. 2022an aurkeztu zuen Europar Batasunak Chat Control 2.0 gisa ezagutzen den proiektua, ustez pedofilia edota adin txikikoen edonolako sexu erasoetako edukiak atzemateko, horiek sarean zirkulatzen hasi aurretik. Chat Control gisa ezagutzen bada ere, hauxe da Europak ematen dion berezko izena: Regulation to Prevent and Combat Child Sexual Abuse (Adin txikikoen sexu abusuen prebentziorako arautegia).
Europar Batasunaren hitzetan, halako edukiak WhatsApp, Telegram edota Signal aplikazioen bidez zabaldu ohi dira gehienbat. Horiei ipini nahi die galga. Berez bada sistema bat 2021etik, Chat Control 1.0 gisa ezagutzen dena, pribatutasuna hautsi eta kontrol mekanismoak martxan jartzen dituena. Baina aplikazio horien jabeek boluntarioki arakatu behar dituzte mezuak, edo agindu judizial baten eraginez. Bestela, berez, mezuak enkriptatuta eta babestuta daude.
Baina Europar Batasunaren aburuz, Chat Control 1.0 mekanismoak ez du ganoraz funtzionatzen. "Beranduegi" heltzen dira agindu judizialak. Horregatik, tramiteak saltatu asmo ditu. Chat Control 2.0-rekin, aplikazio horien egungo mezuen enkriptatzea, "muturretik muturrerakoa", apurtu egingo litzateke. Hau da, mezu guztiak, de facto, ez leudeke enkriptatuta edo babestuta. Horixe da lege proiektuak momentuz dioena; ez du xehetasun gehiagorik ematen. Baina bada salbuespen bat dagoeneko azpimarratzen dena: gobernuko gaiak eta gai militarrak jorratzeko txat taldeak. Mezu horiek babestuta leudeke.
Udazkenean garatuko dute
Tramitera pasa da irailaren 12an. Sei estatuk soilik bozkatu zuten proiektuaren aurka: Austriak, Belgikak, Finlandiak, Herbehereek, Txekiar Errepublikak eta Poloniak. Europako Batzordeak eta Legebiltzarrak landuko dute proiektua orain, eta urriaren erdialdera Barne eta Justizia Ministroen Kontseilura eramango dute gaia. Hor ezagutaraziko dira lehen xehetasunak, oraindik fintzeko baitago proiektua.
Proiektua aspalditxo hasi ziren lantzen, baina iaz, xehetasunak ezagutzen joan ahala, hainbat estatuk atzera egin zuten. Presio soziala ere areagotu zen, eta linboan gelditu zen proiektua. Orain, uda ostean, berrartzea erabaki dute.
"Zaintza, kontrola eta zentsura"
Kezka eta kexa ugari zabaldu dira lege proiektuaren aurka. Esaterako, irailaren 12ko bozketaren aurretik, 34 herrialdetako 600 akademikok baino gehiagok sinatutako gutuna argitaratu zen.
"Proposamen honek aurrekaririk gabeko gaitasunak ezarriko ditu zaintzari, kontrolari eta zentsurari dagokienean, eta estatuek herritarrekiko dituzten betebeharrak alda daitezke, baita kontrolaren abusua sortu ere", adierazi dute. Aitortu dute gizarte digitalak arazo larria duela pedofiliarekin eta eduki sexualen neurrigabeko hedapenarekin, baina azpimarratu dute norabidea ez dela egokia, eta lanketa gehiago egin behar dela mundu analogikoan, hala nola gizarte hezitzaileekin, hezkuntza arduradunekin eta gurasoekin, batik bat prebentzioa indartzeko.
Wikipedian bilatu dut hitza, eta honela ulertu dut irakurritakoa: errealitatea arrazionalizatzeko metodologia da burokrazia, errealitatea ulergarriago egingo duten kontzeptuetara murrizteko bidean. Errealitatea bera ulertzeko eta kontrolatzeko helburua du, beraz.
Munduko... [+]
Ahoztar Zelaieta idazleak Arberatze-Zilhekoan 2024ko EHZ festibalean emandako hitzaldia da honakoa, indar polizialek teknologia berriak nola erabiltzen dituzten azaldu zuen bertan.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
Iñaki Gurtubai Segurtasuneko zinegotziak "Poliziaren Lan Eskaintza Publiko bateratua” eta “inteligentzia kamerak instalatzea” iragarri ditu 2024rako, besteak beste.
Gasteizko Udalak Insitel enpresari esleitu dio hiriaren erdigunean prestazio altuko hamazazpi kameraren bidez bideozaintza sistema hornitzeko, instalatzeko eta konfiguratzeko kontratua. Besteak beste, Andre Maria Zuriaren plazan, Plaza Berrian eta San Frantzisko aldapan jarriko... [+]
Gasteizen, beste hiri batzuetan bezala, zaintza-kamera berriak jarri nahi dituzte, baina ez digute horien benetako ezaugarririk kontatzen. Are larriagoa da ez dizkigutela azaltzen benetako arrazoiak zein diren, ezta kamerek nori egiten dioten mesede ere. Gaia orokorrean... [+]
X sare sozialak (orain arte Twitter zenak) bere pribatutasun politika aldatu du eta erabiltzaileen ezaugarri fisikoak ere bilduko ditu, besteak beste, aurpegi-ezagutzaren bitartez.
Bilboko geltoki guztietan kamerak ezarriko dituela adierazi du Euskal Trenbide Sareak. Gaur egun ezarrita dauden tokietan ez ezik, beste hamalau geltokitan jarriko dituzte.
Turismo Inteligentziarako Sistema delakoaren bidez, Gasteizko zenbait tokitan sentsoreak jarriko dituzte. Pertsonen gailu mugikorren seinalea atzemanda, "portaera eta errepikapen-ereduak detektatu" nahi dituzte.
Liburutegiaren sarreran jarri dituzte kamerak, Smart Talent Source SL enpresaren ikerketa bati lotuta. "Horrelako neurrien normalizazioaren bitartez, kontrol geroz eta zuzenagoa ezarri ahal izateko aurrekari arriskutsua dira kamera horiek", salatu du UIBk.
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]
Kontrol sozialerako teknologiek presentzia gero eta handiagoa dute Gasteizen, Udalaren ekimenez. Zabalgunean eta Alde Zaharrean bideozaintzarako 17 kamera berri jarriko ditu Udalak udatik aurrera. Adimen artifizialarekin funtzionatuko dute eta "delituak denbora errealean... [+]
Ziborg hitza sortu zen izaki bizidun hobetu bat deskribatzeko. Gorputz organikoa eta teknologia elkartzean, gorputzaren prestakuntzak hobetuta dituen izaki biziduna litzateke ziborga.