Abortua eta ezkontza homosexuala berriki legeztatu ostean — 2007an eta 2010ean, hurrenez-hurren — Portugaleko agintariek asteartean erabakiko dute eutanasia eta medikuek lagundutako suizidioa legeztatzeko bidea hasiko duten edo ez.
Portugalek ateak ireki dizkio eutanasiari buruzko debateari. Herrialdeko alderdi ezkertiarrek bultzatu dute eztabaida eta eutanasia legeztatzeko proposamenak aurkeztu dituzte. Alderdi erlijiosoek — kristauek, musulmanek eta juduek —, berriz, gogor egin dute kontra.
Polemika sortzen duten gaiekin ohitura da Portugalen alderdietako buruek aldeko edo kontrako botorik ez eskatzea, horrela alderdikideek beraien etikaren araberako erabakia hartzeko. Horrela egingo dute asteartean eutanasia legeztatzeari buruzko bozketa, eta baiezkoa aterako balitz, eutanasia legeztatzeko aukera izango litzake.
Eutanasia Belgikan, Kanadan, Luxenburgon eta Herbeheretan bakarrik da legezkoa. Suitzan eta Estatu Batuetako estatu batzuetan, berriz, legezkoa da lagundutako suizidioa.
Liberation eta La Croix egunkariei emandako elkarrizketan, eutanasiari bide emango dion lege proiektu bat bozkatzeko asmoa dutela iragarri du Frantziako presidenteak.
2022an 576 herritarrek eskatu zuten hiltzeko laguntza eta 288k lortu zuten Eutanasia Legearen babesa. 2021eko ekainean jarri zen indarrean legea eta, harrez geroztik, 749 pertsonak erabili dute. 2021ean 173 izan ziren eskaerak eta 75 izan ziren onartuak.
Osasunbideko arduradunek zehaztu dutenez, bermatu da eskubidea ahalik eta berme handienekin gauzatzea bai herritarrentzat, bai eskatzaileentzat, bai haien senitartekoentzat, eta baita osasun-profesionalentzat ere.
Eusko Jaurlaritzak jakinarazi du 34 eskaera jaso dituztela Eutanasiaren Legea ekainean indarrean sartu zenetik; hamahiru laguni hiltzeko laguntza medikoa eman diete, eutanasia egin aurretik hil dira zortzi, beste eskakizun bati uko egin diote eta gainerako hamabiak... [+]