Poliziak hildako gaztea "bakean" agurtzeko eskatu du haren aitak
Hilaren 9an poliziak Missourin tiroz hil zuen Michael Brown gazte beltzaren aldeko hileta elizkizunak gaur egingo dira. Haren aitak semea "bakean" agurtu eta gaur protestarik ez deitzeko eskatu die herritarrei.
Badirudi azken orduetan aitaren mezuek eragina izan dutela, giroa nabarmen lasaiagoa baita astelehenean. Itxirik zeuden eskolak zabaldu egin dituzte, esaterako.
San Luis hirian egin den Peace Fest jaialdian eskatu du Brownen aitak lasaitasuna gordetzeko: "Nahi dudan gauza bakarra semea bakean lurperatzea da, ez dut besterik eskatzen".
Ekitaldi berean parte hartu zuten, halaber, poliziak pasa den astean Floridan hil zuen beste gazte beltzaren gurasoek ere. Bertaratutakoei eskatu zieten haien haserrea familia sareak sendotu eta gazteen hezkuntza sustatzera bideratzeko.
Bestalde, Etxe Zuriak iragarri du hiru ordezkari bidaliko dituela elizkizunetara, Parte-hartze Publikoko bulegoko Marlon Marshall tartean, eskolara Brownen amarekin joan zen San Luis hiriko funtzionarioa.
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Las Vegas hiri ezagunetik ordubetera Creech-eko aire-base militarra dago basamortuaren erdian. 1950eko hamarkadan, Gerra Hotzean, ia mila leherketa nuklear "esperimentalen" lekua izateagatik ospetsu egin zen. Creechen koordinatu dituzte azken 20 urteotan AEBek mundu... [+]
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.
