Bahitu trukea eta Trumpi gorazarre, baina laguntza humanitarioa tantaka ari da sartzen Gazan
Hasi da bahituen trukea Palestinan eta Israelen. AEBetako presidentea heroi baten moduan hartuko dute astelehen eguerdian Tel Aviven, eta Egipton goi-bilera egingo da gero, "Gazaren etorkizunaz gogoetatzeko". Bien bitartean, laguntza humanitarioa indartu bada ere, beharrizanak asetzetik urrun dagoela salatu dute.
Euskal Herrian egunak argitu duenean entregatu ditu Hamasek lehen zazpi bahitu israeldarrak. Gurutze Gorriaren eskuetan utzi ditu Gaza iparraldean, eta horiek, gero, Israelgo armadari eman dizkiete. 11:00etarako, gauza bera egin du bizirik dauden beste hamahiruekin.
Guztira, 2023ko urriaren 7an lurralde okupatuetan bahitutako 48 israeldar askatuko ditu Hamasek; trukean, Israelgo Gobernuak ia bi mila palestinar espetxetik atera eta Gazara, Zisjordaniara edota Egiptora bidaliko ditu autobusean. Behin Hamasek bere zereginak konplituta beteko du bere partea Israelek; horixe da esan dutena.
Israelek askatuko dituenei "preso palestinar" deitura ipini bazaie ere, gehiengoa "bahitu" ere izenda daiteke: askori ez zaie inoiz kargu judizialik leporatu, ez dute epaiketarik izan, eta egindako epaiketak "justuak" izan direla esatea askotxo da. Preso hartuta dauden batzuk, gainera, adin txikikoak dira.
Israelek askatuko dituen ia bi mila pertsona horien izenak ez dira inondik inora ere jakinarazi, ez badira Israelek jarritako betoak, Hamasek askatzea eskatu arren Israelek ukaturikoak; horien artean, Marwan Barghouti. Aldiz, han eta hemen eta euskal komunikabideetan ere ari dira Hamasek bizirik entregatuko dituen hogei israeldarren profilak jakinarazten, sentsazionalismo osoz, pelikula tragiko baten amaiera bailitzan.
Laguntza humanitarioa, orain ere tantaka
Foku guztiak Hamasengan eta askatzen dituzten bahituengan ipinita dauden bitartean, itxuraz "bake-plana" abian dela, laguntza humanitarioa ari da Gazan sartzen. Baina tantaka, oraingoan ere. Nazio Batuen Erakundeak eta laguntza humanitarioko hainbat elkartek jakinarazi dutenez, su-etena iragarri aurretik baino ibilgailu gehiago ari dira sartzen Gazan, "baina beharrizanak asetzetik oso urrun".
Soil-soilik Egiptoren aldean dagoen Rafah pasabidetik ari dira sartzen kamioiak, hau da, Gaza hegoaldetik. Hori ere bada beste eztabaidagaietako bat. Su-etena indarrean bada, eta ustez soldadu israeldarrak erretiratu badira, zergatik ez da laguntza humanitarioa leku gehiagotatik sartzen, hala nola Gaza iparraldetik? Horixe galdegin du Unicefeko bozeramaile James Elderrek.
Trumpi gorazarre Israelen
Israelera iritsia da AEBetako presidentea, Donald Trump, harro-harro eginda. "Denak daude zoriontsu: juduak, musulmanak eta arabiarrak; eta hori ez da 3.000 urtetan gertatu"; bere adierazpenak hala irakur daitezke EITBren webgunean.
Hainbat komunikabideetan entzun eta irakur daitekeenez, Israelgo Tel Aviv hiria "bandera estatubatuarrez josita" dago, Trump jotzen dutelako "salbatzailetzat", bi urteren ondoren bahitu guztiak askatzea lortu duen "heroitzat".
Hamasek bahitutako pertsonen familiekin elkartuko da Trump, eta Benjamin Netanyahurekin ere batzartuko da. Gero, Egiptora egingo du bidaia: su-etena adosteko mahaian egon diren herrialdeko ordezkariek batzarra egingo dute, "Gazako zerrendaren etorkizunaz" gogoetatzeko. Goi-bilera horretara gerturatuko dira Nazio Batuen Erakundeko ordezkariak, Europako Kontseilukoak eta, besteak beste, Alemania, Espainia, Frantzia, Italia eta Erresuma Batuko lehen ministroak ere bai.
Israelgo Defentsa ministroa, Gaza erasotzearekin tematuta
Alde bateko eta bestekoen preso eta bahitu trukearen bezperan, iragan igandean, Israelgo Defentsa ministro Israel Katzek azpimarratu du "gerra" ez dela amaitu. Tematurik jarraitzen du Gaza suntsitzearekin: "Behin bahituak etxera itzulita, Israelen erronka handia izango da Hamasek Gazan dituen tunel eta zoko guztiak suntsitzea; AEBen ikuskapenarekin egingo dugu".
Ohar bateratua argitaratu dute Hamasek, Jihad Islamikoak eta Palestinaren Askapenerako Herri Fronteak. Ñabardurak egin dizkiote itxurazko bake-planari: ez daude ados "nazioarteko tutoretza" edo Gazarako aipatzen den "aldi baterako kanpo-administrazioa"... [+]
Israel eta Hamas negoziaketa betean dira, Trumpek proposatutako su-etenerako planaren harira. Ekialde Hurbileko zenbait hedabidek informatu dutenez, bahitu israeldarren trukean askatu behar dituen preso palestinarren izenen zerrendan jarri zuten Marwan Barghouti, baina... [+]
Donald Trumpek ostegun goizaldean iragarri zuen Hamas eta Israelen arteko akordioa eta ostiral goizaldean berretsi du Israelgo Gobernuak. Oraindik, alabaina, ostiral goizean Gazan Israelgo okupazio armadaren erasoak gertatzen ari ziren, besteak beste Khan Younis hirian.
Hamasek 48 bahitu askatuko ditu astelehenerako, eta Israelek 2.000 preso. Ostegun honetan dute izenpetzekoa lehen faseari buruzko akordioa; bigarren faseari buruzkoaz, ordea, ezjakintasun eta hauskortasun handiagoa nabaria da.
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Naxker, Fermin Muguruza eta Bloñ musika taldeek, besteak beste, bat egin dute Musikariak Palestinarekin plataformak abiatutako Spotify-ren aurkako ekimenarekin. Hain justu, musika erreproduzitzeko aplikazio erraldoiaren jabe nagusiari, Daniel Ek-eik, egozten zaio Israelek... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Astelehen gauerdian iritsi ziren Bilboko aireportura Mikel Zuloaga ‘Mikelon’, Jotas Osés, Itziar Moreno eta Abdel Karim el Khamlichi Global Sumud Flotillako euskal aktibistak, Israelgo Kiotz espetxean lau egun eta itsasoan hilabete eman ondoren. Astearte gauean... [+]
Israel Premier Tech txirrindularitza taldeak datorren denboraldirako “egungo nortasun israeldarretik urruntzera” behartua ikusi du bere burua, Espainiako Vueltan hauspotu ziren protestengatik. Gainera, Sylvan Adams sionista ez da aurrerantzean proiektuaren buru... [+]
2023ko urriaren 7an, Hamasen erasoaren ostean, palestinar herriaren kontrako genozidioari hasiera eman zion Israelgo Estatuak. Trumpen planaren negoziaketa betean, beldurgarriak dira bi urteotako sarraskiaren zifrak.
Ordezkariak Egiptoko Sharm el-Sheikh hirian bilduko dira, Sinai penintsulan, Trumpen lehen fasearen "mekanismoak eta xehetasunak" aztertzeko. Bien bitartean, bonbardaketek hildakoen kopurua handitzen jarraitzen dute; azken 24 orduetan beste 65 palestinar hil ditu... [+]
