Ferguson: Sua AEBen bihotzean
Abuztuaren 9an, polizia batek armarik ez zeraman Michael Brown 18 urteko gazte beltza hil zuen tiroz AEBetako Ferguson hirian, Missouriko estatuan. Gertatutakoak haserre handia eragin zuen –herritar beltzen artean bereziki– eta indar armatuek oraindik ez dute istiluak itzaltzerik izan. Bart tiroketak izan dira Fergusonen; militarrek 30 manifestari baino gehiago atxilotu dituzte eta bi lagun balaz zaurituak izan dira.
Egoeraren larritasunak bultzatuta, Jay Nixon gobernariak Guardia Nazionala mobilizatu du, "bakea" lortzea xede, baina badirudi militarrek ere lanak izango dituztela. Guardia Nazionalak larrialdi egoetan baino ez du parte hartzen, hondamendi naturalak edo, kasu honetan bezala, istilu oso larriak gertatzen direnean.
Argitu gabeko hilketa
Missouriko agintariek eta FBIko agenteek hilaren 9an zer gertatu zen argitzeko lanean ari direla azaldu dute. Brown hil zuen poliziak, Darren Wilsonek, esan du gazteak eraso egin ziola eta arma bat atera zuela, eta bere burua defendatzeko egin zuela tiro. Aldiz, lekuko batzuek diote gazteak besoak altxata zituela poliziak tiro egin zionean. Autopsiaren emaitzen arabera, Brownek sei tiro jaso zituen, The New York Times agunkariak plazaratu duenez. Herritar askok uste du "krimen arrazista" izan dela.
Hasiera batean, Fergusoneko poliziek esan zuten puru kaxa baten lapurretarekin lotura zuelakoan atzeman zutela Brown. Geroago, aldiz, polizia-buru Thomas Jacksonek adierazi zuen gaztea geratu zutela errepide erditik oinez zihoalako eta trafikoa oztopatzen ari zelako.
Segregazio handieneko guneetako bat
Berriako kazetari Amagoia Ibanek Fergusoneko liskarrei heldu die Ametsak eta galderak analisian. Halaxe dio pasarte batean: "Herritarren jazarpena, salbuespen egoera, etxeratze agindua, Guardia Nazionala eta militarizazioa. Giroa baretzeko baino gehiago, sua piztekoa dirudien estrategia. AEBetako segregazio handieneko guneetako batean, non agintea zurien esku eta 16 eta 24 urte bitarteko afroamerikarren %47 langabezian dauden; Missourin, non gobernadore demokrata zuria ezaguna den segregazioaren kontrako politikak 'garestiegi' jo eta zapuztu nahi izateagatik".
Zuzeneko jarraipena:
- Argazki, bideo, eta txio bilduma, Revolution News webgunean.
- Argazki eta bideoak Enough is Enough mugimenduaren Facebook orrian. Kolektiboak salatu duenez, hainbat kazetari atxilotu ditu poliziak, Scott Olson argazkilaria tartean.
Informazio gehiago:
- Argazki galeria New York Times-en webgunean.
"Atzerriko terroristengandik" babestea arrazoi bezala jarrita, Donald Trumpek dekretu bidez agindu du zazpi herrialdetako pertsona guztiei debekatzea AEBetara sarrera, eta beste bost herrialdetako herritarrei mugak jartzea.
Proposamenak “hilketek eta goseteak” bere horretan jarraitzea bermatuko duela salatu du Hamasek, baina gehitu du zer erantzun aztertzen ari dela. Israelek proposamena onartu duela jakinarazi dute AEBek.
Epaiak dio AEBetako presidentea bere eskumenetik harago joan dela muga-zergak ezartzerakoan, eta hamar eguneko epea ematen dio horiek kentzeko.
Israelek AEBetako enpresa bati eman dio laguntza humanitarioa banatzeko ardura, eta NBEk salatu du laguntza banaketako irudiak “oso larriak” direla. Israelek defendatu egin du banaketa sistema. Jakinarazi dute asteazkenean ez dutela laguntza humanitariorik... [+]
Donald Trumpen inperialismoaren eta harrokeriaren adibideetariko bat dugu Groenlandia erosteko daukan xedea. Baina lekukoen beharrak eta nahiak entzun gabe, aspaldi kokatu ziren Artikoko lur izoztu horretan amerikarrak: bertako inuitak haizatu eta Thulé izeneko base... [+]
Erresuma Batuko ika-mika parlamentarioaren mamia zen Keir Starmerren gobernuak, azkenean, sinatu duela Maurizioko Errepublikarekin Txagos uhartediaren subiranotasuna hari aitortzen dion tratua. Hori bai, bertan AEBek (Erresuma Batuaren presentzia hutsaren hurrengoa baita) duten... [+]
Teheranek ez du baieztatu hurrengo elkarrizketa-saioan parte hartuko duen, Israelgo Estatuak Irango instalazio nuklearrei eraso egiteko mehatxuak egiten dituen bitartean.
Akordioa asteazkenean sartuko da indarrean. Haren ondorioz, AEBek %30eraino jaitsiko die ordaindu beharreko muga zerga produktu txinatarrei, eta Txinak %10eraino estatubatuarrei.
Yanis Varoufakis-ek DiEM25 mugimenduaren Youtubeko kanalean elkarrizketatu du Columbiako Unibertsitateko Jeffrey Sachs irakaslea. Horrek azaldu du nazioarteko politikan Amerikako Estatu Batuek pokerrean jokatzen dutela, Errusiak xakean eta txinatarrek Go jokoan. Azken hori... [+]
Botoen %99 zenbatuta, Mark Caney egungo lehen ministroa buru duen alderdiak 168 aulki lortuko lituzke Komunen Ganberan, eta lau gehiagorekin osatuko luke gehiengoa. Alderdi Kontserbadorea izan da bigarren bozetan, 144 eserleku lortuta. Duela lau urteko hauteskundeetan baino... [+]
Astelehen honetan egingo dituzte Kanadako Komunen Ganberarako hauteskundeak, Trudeau lehen ministro ohia ordezkatu duen Mark Caneyk data aurreratu ostean. Liberalen lidergo aldaketak kontserbadoreei aldea nabarmen murriztea eragin du, eta inkesta gehienek bozetan garaile irtengo... [+]
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
Washington (AEB), 1930eko ekainaren 17an. AEBetako Kongresuak Muga-Zergen Legea onartu zuen. Smoot-Hawley Legea ere esaten zaio Reed Smoot senatariak eta Willis Hawley diputatuak bultzatu zutelako.
Legeak 900 produktu ingururako inportazio zerga-mugak %40 eta %60 artean igo... [+]