ARGIA.eus

2021eko apirilaren 21a

COVID-19aren aurkako lehenbiziko txertoak urtea bukatu baino lehen jarriko dituzte Hego Euskal Herrian

  • Europar Batasuneko herrialdeek abenduaren 26rako lehen dosien banaketa egina izatea espero dute, abenduaren 27an txertoak jartzen hasteko. 

ARGIA @argia
2020ko abenduaren 23a

Europako Batzordeak abenduaren 21ean baimena eman du BioNTech laborategi alemaniarrak eta Pfizer laborategi estatubatuarrak sortutako COVID-19aren aurkako txertoa merkaturatzeko. Europako Botika Agentziak baimenduta, konpainiak dosia banatzen hasi ahal izango dira eta ondo bidean, abenduaren 26an batasuneko kiden diren estatuek txertoa beraien herrialdean izan ahalko dute. Lehen dosiak abenduaren 27an hasiko dira jartzen. 

Europako Botika Agentziak egindako adierazpenetan, ordea, garbi utzi dute lana ez dela hemen amaitzen. "Informazioa biltzen, eta txertoaren segurtasunari eta eraginkortasunari buruzko datuak aztertzen jarraituko dugu, Europar Batasunean txertoa jasotzen duen jendea babesteko", adierazi dute. 

Emer Cook Sendagaien Europako  Agentziako zuzendariak jakinarazi duenez, "gaur egun ez dugu frogarik pentsatzeko txerto honek ez duela COVID-19aren aurka funtzionatuko". Txertoa eraginkorra dela frogatu da 16 urtetik gorako gizabanakoentzat. Beraz, txertoa emateko muga hori izatea espero da. Immunizazio osoa lortzeko, bi injekzio beharko dira, inokulatuak, bien artean gutxienez 21 eguneko tartea utzita.

Hego Euskal Herrian

Hego Euskal Herrira ere abenduaren 27rako irirtsiko dira lehen dosiak. Gotzone Sagardui Eusko Jaurlaritzako Osasun sailburuak jakinarazi du oraindik ez dakitela zehazki zenbat txerto jasoko dituen EAEk lehen banaketan.

Nafarroako Gobernuak berriz, abenduaren 18an azaldu zuen Espainiako Osasun Ministerioarekin elkarlanean ari direla dosiak behar bezala kontserbatzeko estrategia garatzen. Abenduaren 28a, datorren astelehena, izango da txertaketarekin hasteko eguna Hegoaldeko lau herrialdeetan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Koronabirusa kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude