Pertsona baten heriotza eta gau hotza
Egun batzuk direla, Zarauzko parrokiaren ondoko parkean, lo egiteko zaku batean, pertsona bat hilik agertu da.
Dirudienez, gertaera lazgarria urteko gau hotzenetariko batean gauzatu da, hots, Gabon gauarena. Gainera jazoera hau ez da berria, aurreko urtean gure zonaldean antzeko zirkunstantzietan pertsona batzuk hil baitziren.
Bestalde, oso gogorra da ikustea Donostian gauero kale gorrian zenbat jendek egiten duen lo. Honen harira alkateari esango nioke alternatibarik eman gabe jende horiek konstituzio plazatik kanporatzea ez dela irtenbidea.
Era berean, idatzitako beste idazki batean aterpeetako ateak lehenago irekitzea eskatu nuen, hau da, termometrora bost gradutara jaitsi baino lehen. Eta agintariek kasurik egiten ez didaten bitartean, honetan tematuta jarraituko dut.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
